Wong-wong [[Arab]] zaman jahiliah wis kenal ibadah kaji iki kang diwarisi saka leluhuré kanthi owah-owahan sawetara. Nanging, wangun umumé isih tetep padha, kayata thawaf, sa'i, wukuf, lan mbalang jumrah. Mung waé tatacarané akèh kang ora cocokcocog karo syariat kang sabeneré. Mula, Islam banjur teka lan ndandani segi-segi kang klèru lan tetep nglakoni apa kang wis cocokcocog karo pituduh syara' (syariat), kayadéné kang diatur déning [[al-Qur'an]] lan [[sunnah]] rasul.<ref name="Haji1"/> Latar belakang ibadah kaji iki uga didhasaraké marang ibadah kang dilakoni déning para nabi jroning agama Islam, utamané [[Ibrahim|nabi Ibrahim]] (nabiné agama [[Tauhid]]). Ritual [[Tawaf|thawaf]] didhasaraké marang ibadah kang dilakoni déning umat-umat sadurungé nabi Ibarahim. Ritual [[sa'i]], ya iku mlayu-mlayu antara bukit [[Shafa]] lan [[Marwah]] uga didhasaraké kanggo mèngeti ritual kang dilakoni déning garwané nabi Ibrahim nalika golèk banyu kanggo anaké [[Ismail|nabi Ismail]]. Déné wukuf ing Arafah iku ritual kanggo mèngeti panggonan ketemuné [[Adam|nabi Adam]] lan Siti Hawa ing donya, ya iku mula bukané kelairan kabèh umat manungsa.
