'''Angkrem''' ya iku tumindake kewankéwan ngendhog (''[[Ovipar]]'') kanggo netesake [[endhog]]e ya iku kanthi nggedhekake [[embrio]] kang ana ing sajerone endhog. Perangan paling utama ing sajerone angkrem ya iku [[suhu]] kang ajeg lan trep kanggo 'uripe' embrio ing njero endhog. Angkrem umume dilakoni kanthi lungguh lan ndhekemi endhog, utamane ing jinis manuk.
Kanggone [[kewan getih panas]] kayadene [[manuk]], suhu awak kewankéwan iku uume ajeg kanggo nyengkyung uripe embrio ing endhog. Sakliyane iku, [[kelembaban]] uga dadi perangan kang wigati. NAlikane hawane kegaringen, endhog uga bakal kélangan akèh cairan lan marakake angel anggone netes. Nalikane diangkremi, bobote endhog dadi tambah abot lan hawa ing sakjerone endhog uga lambah amba.
Saben kewankéwan nduwèni tingkah dhewe-dhewe kango netesake endhoge. Ana jinis-jinis manuk kang angkreme gentenan antarane manuk lanang lan wadon umpamane manuk [[dara]], [[puter]] lan [[deruk biasa|deruk]], uga ana kang mung kewankéwan wadon sing angkrem kayata [[pitik]]. KewanKéwan liya ana kang ora langsung ngengkremi endhoge, nanging kathi mendhem endhoge ana ing jogangan lemah/pasir utawa gegodhongan bosok, kayata [[penyu]] ing pasir, [[baya]] ing gegodhongan lan manuk [[maléo]] kang mendhem endhoge ing lemah.
Suwene wektu angkrem uga maneka warna. Ana kang mung 11 dina kayadene saperangan jini [[emprit]] nganti ana kang 85 dina kayadene manuk [[albatros]] lan [[kiwi soklat]].
