Kabupatèn Purwareja: Béda antara owahan

2 bèt wis ditambahake ,  4 taun kepungkur
Kabupatèn Purwareja nduwèni sajarah sing tuwa, diwiwiti jaman Megalitik disinyalir wis ana kauripan kanthi komunitas tetanèn sing tumata, kabuktèn anané sawetara paninggalan sajarah ing mangsa MEGALITH arupa MENHIR watu tegak ing sawetara wewengkon Kacamatan ing Kabupatèn Purwareja. Nalika jaman Hindhu Klasik, kawasan Tanah Bagelèn nduwèni peran wigati jroning sajarah Kraton [[Mataram Kuna]] (Hindhu). Tokoh Sri Maharaja Balitung Watukoro dikenal minangka Maharaja Mataram Kuna paling gedhé, kanthi wewengkon kakuwasan nyakup: [[Jawa Tengah]], [[Jawa Wétan]] lan sawetara wewengkon ing njaban pulo [[Jawa]].
 
Prof. [[PurbacarakaPoerbatjaraka]] mratélakaké yèn Sri Maharaja Balitung Watukoro asal saka laladan Bagelèn. Indhikasi iki kacetha ing jeneng "Watukoro" sing dadi jeneng sawijining [[kali]] gedhé, kali iki disebut uga kanthi jeneng [[Kali Bogowonto]]. Diarani mangkono, ngèlingi ing jaman iku ing gisiking kali kerep katon pandhita (Begawan).
 
Petilasan suci arupa [[lingga]], [[yoni]] lan [[stupa]] panggonan para begawan ngayahi upacara bisa dipirsani ing wewengkon [[Balédana, Loano, Purwareja|Kalurahan Balédana]], [[Loano, Purwareja|Kacamatan Loano]] lan Bagelen. Désa Watukoro dhéwé dumunung ing sungapan kali Bogowonto lan klebu wewengkon [[Purwadadi, Purwareja|Kacamatan Purwadadi]].
134

besutan