Perawan Remaja dalam Cengkeraman Militer: Béda antara owahan
Nulis saka wiwitan |
(Ora ana béda)
|
Révisi kala 4 Juni 2017 09.02
Perawan Remaja dalam Cengkeraman Militer iku sawijining buku karangané Pramoedya Ananta Toer sing dibabar kapisanan dening Kepustakaan Populer Gramedia ing taun 2001. Nganti taun 2011, buku iki wis dicèthak kaping pitu.[1]
Rèng-rèngané buku iki ditulis nalika Pramoedya isih ing pambuangan ing Pulo Buru.[2] Ing taun 2000, dhèwèké lunga menyang Jepang saprelu nampa penghargaan utama The Fukuoka Asian Culture Prize kaping 11. Lungané menyang Jepang iki sing njalari Pramoedya éling marang ketikan buku sing irah-irahan asliné "Perawan Remaja" iki. [3]
Wujud isiné dudu novel kaya umumé karangané Pramoedya, nanging kumpulan cathethan babagan para wanita Indonesia sing didadèkake budhak sèks déning prajurit Jepang nalika jaman Perang Donya II. Satemené ora mung wong wadon saka Indonesia sing didadèkake budhak sèks, nanging uga saka negara-negara liya kaya Koréa, Cina, lan Taiwan[4]. Jalaran isih sithik banget tulisan sing nyaritakaké khusus kadadéyan sing dilakoni para budhak sèks saka Indonesia, Pramoedya ngrasa prelu nulis buku iki. Cathethan-cathethan ing jeroné iki kasil panggolekané Pramodya dhéwé lan cathetan-cathetan saka kanca-kancané sing nemoni mantan budhak sèks kuwi ing Pulo Buru.[5] Buku iki ditujokaké kanggo nambah kawruh sajarah Indonesia.[3]
Ringkesan isi
Buku iki dibuka kanthi carita sing mertèlakaké kahanan ing mangsa Perang Donya II sing miwiti butuhé prajurit Jepang marang budhak sèks saka Indonesia. Ing pèrangan sabanjuré, Pramoedya nuturi para prawan jaman saiki supaya ngerti kabejané urip ing jaman mardika lan miwiti crita nelangsa saka Jaman Jepang. Ing jaman semana, para prawan diapusi dikon mangkat menyang Jepang supaya bisa nerusaké pawiyatan. Apus-apusan iki metuné saka angkatan perangé Jepang lan diterusaké menyang désa-désa déning para pangrèh praja. Babagan sing ndadèkake nyalawadi yaiku ora anane wara-wara resmi saka kantor angkatan perang jepang ngenani pawarta iki, dadi mung sas-sus. Akeh prawan saka Jawa sing seneng melu program apus-apusan iki, utamané putrané para among praja jalaran wong tuwané kudu mènèhi tuladha marang wong-wong liya supaya padha gelem melu. Pramoedya banjur mbabar cathethan akèhe prawan sing digawa Jepang saka pirang-pirang kutha.
Ing bab-bab saterusé, Pramoedya nyaritakaké lakoné prawan-prawan saka manèka kutha kuwi mau adhedhasar carita utawa cathethané kanca-kancané lan cathethané dhéwé. Ing luwih saka separo pèrangan sing mburi, isine dikhususaké kanggo cathethan saka prawan-prawan sing kèri ing Pulo Buru. Carita cara uripé wong Suku Alfuru uga akeh dibabar ing bab sing pungkasan.
Kutha-Kutha Asale Para Prawan ing Carita
Ing sajroning buku Perawan Remaja dalam Cengkeraman Militer, disebataké pirang-pirang kutha sing melu nyumbang prawan kanggo prajurit Jepang. Kutha-kutha kuwi yaiku:
Rujukan
- ↑ "Perawan Dalam Cengkeraman Militer". Goodreads. Dibukak ing 2017-06-04.
- ↑ Nurawi, Muhamad Syahril (7 Mei 2016). "Makalah Sosiologi Pengarang". Syahril Nurawi. Dibukak ing 03 June 2017.
{{cite web}}: Check date values in:|access-date=and|date=(pitulung); Cite has empty unknown parameter:|dead-url=(pitulung) - ↑ a b 1925-2006., Toer, Pramoedya Ananta, (2001). Perawan remaja dalam cengkeraman militer. Kepustakaan Populer Gramedia. ISBN 9799023483. OCLC 47208844.
{{cite book}}: CS1 maint: extra punctuation (link) CS1 maint: numeric names: authors list (link) - ↑ Firman, Tony. "Jugun Ianfu, Budak Wanita di Masa Penjajahan Jepang". tirto.id (ing basa Indonesia). Dibukak ing 2017-06-04.
{{cite news}}: Cite has empty unknown parameter:|dead-url=(pitulung) - ↑ Setiyono (2013). "CITRA PEREMPUAN DALAM NOVEL PERAWAN REMAJA DALAM CENGKERAMAN MILITER KARYA PRAMOEDYA ANANTA TOER". Media Prestasi. 11: 37.