Parasurama: Béda antara owahan

'''Parasurama''' (Dewanagari|Sansekerta: परशुरामभार्गव; Parashurāma Bhārgava) utawi wonten ing [[Indonesia]] kala mangsa kasebut Ramaparasu, inggih punika asmanipun paraga [[Ciranjiwin]] (abadi) wonten ing ajaran [[agama]] [[Hindu]]. Asma Parashurama tegesipun "Rama kanthi senjata [[kapak|pethèl]]". Asma sanésipun inggih punika [[Bhagarwa]] (Keturunan Maharesi [[Bregu]]). Parasurama kawentar menawi [[awatara]] [[Wisnu]] ingkang kaping enem saha gesang wonten ing jaman [[Treta Yuga]]. wonten ing jaman punika kathah para kaum [[satriya]] ingkang sami prang tandhing setunggal baka setunggal kaliyan satriya sanésipun saéngga damel risak kantentremaning donya. [[Wisnu]] minangka dewa ingkang njagi alam, njalma kanthi wujud [[Brahmana]] ingkang nggegirisi, inggih punika [[Rama]] putra [[Jamadagni]], kanthi ancas mbrasta para [[satriya]].<ref name= " internet 1">{{id}}[http://www.hadisukirno.com/artikel-detail?id=102](dipunundhuh tanggal 15 November 2012)</ref><ref name="buku 2">{{id}} I Ketut Sukartha, dkk. (2003). ''Agama Hindu untuk SLTP Kelas 3''[[ISBN 979-571-020 6 (jilid 1)]]. Denpasar: Penerbit Ganeca Exact.</ref>

Parasurama minangka putra ragil saking [[Jamadagni]], salah satunggaling resi keturunan Bregu. Punika dados salah satunggaling sebab piyambakipun ugi kawéntar kanthi jejuluk [[Bhargawa]]. Nalika piyambakipun lair, [[Jamadagni]] maringi nama putranipun "Rama". Nalika déwasa, Rama ugi misuwur kanthi nama '''Parasurama''' amargi ngasta [[kapak]] minangka senjatanipun. Kejawi punika, Parasurama ugi gadhah senjata sanés awujud [[panah]] ingkang sekti mandraguna.<ref name= " internet 2">{{en}}[http://hinduism.about.com/od/godsgoddesses/a/Parasurama.htm](dipunundhuh tanggal 15 November 2012)</ref>

Nalika taksih timur Parasuama sampun numpes ibunipun piyambak, inggih punika "Renuka". babagan punika kasebabaken amargi anggénipun nglayani Rsi jamadagni wonten kalepatan ingkang dipuntindakaken Renuka saéngga Jamadani duka. Jamadagni lajeng dhawuh dhumateng para putranipun supados numpes Renuka. Piyambakipun janji badhé ngijabahi punapa kémawon pepénginan ingkang dipunsuwun. Éwadéné kados mekaten, sadaya putranipun Jamadagni boten wonten ingkang purun nindakaken paréntahipun kejawi Parasurama,saéngga Jamadagni tambah duka saha nyupatani sadayanipun dados [[watu]].<ref name= " internet 3">{{en}}[http://www.bvml.org/SBBTM/spa.html](dipunundhuh tanggal 15 November 2012)</ref>

Parasurama minangka putra ingkang paling eném saha ongkang paling pinter, purun numpes ibunipun piyambak. Sabibaripun Renuka séda, piyambakipun lajeng nyuwun Jamadagni netepi janjiipun. Panyuwunan punika, inggih supados Rsi Jamdagni purun nguripaken malih Renuka saha sekawan sedhérékipun. Jamadagni ngraosaken seneng saha netepi sadaya panyuwunanipun Parasurama.<ref name= " internet 4">{{en}}[http://srimadbhagavatam.com/9/16/en2](dipunundhuh tanggal 15 November 2012)</ref>

Nalika jamannipun Parasurama, katentreman donya dipunrisak déning para kaum ksatriya ingkang remen paprangan kaliyan ksatriya sanésipun. Parasurama bangkit numpes sadayanipun, ingkang sejatosipun kedah ngayomi kaum ingkang lemah. Boten kaétang cacahipun ksatriya ingkang sampun kabesmi déning Parasurama, raja utawi pangéran, ingkang katumpes kanthi kapah saha panahipun Rama putra Jamadagni.<ref name= " internet 5">{{en}}[http://www.saiaustin.org/balvikas/lessons/SPRING-2011/Dashavatar%20-%20Parasurama_Feb.06&13,%202011..pdf](dipunundhuh tanggal 15 November 2012)</ref>

== Cathetan suku ==