'''Mesjid Muhammad Cheng Hoo''' ya iku mesjid kang dibangun déning [[muslim]] tionghoa sing kagabung marang Persatuan Islam Tionghoa [[Indonesia]] (PITI) [[Jawa Timur]].<ref name="buku1">{{id}}"Masjid Muhammad Cheng Ho".Panjebar Semangat.edisi 41:2007 kaca:29</ref> Manggon ing Jl. Gading No. 2 Surabaya lan sanggup nampung 200 jamaah.<ref name="buku1"/> Wewangunan kanthi arsitektur [[Tiongkok]] iku saklebatan luwih memper klentheng tinimbang mesjid.<ref name="buku1"/> Sinaput rupa abang getih lan kubah model trap-trapan tumpuk telu, Mesjid Muhammad Cheng Hoo pancen ngemba bangunan-bangunan khas Tiongkok kuna.<ref name="buku1"/> Nadyan cakrike artistik, nanging ora pati gedhé kanggo ukuran sawijining papan ngibadah.<ref name="buku1"/>
Wewangunan intine mung ukuran 11 x 9 meter.<ref name="buku2">{{id}}"Masjid Muhammad Cheng Ho".Panjebar Semangat.edisi 41:2007 kaca:30</ref> Nanging yèn dielokake karo teras sisih kiwa tengen, ambane mesjid mau dadi 21 x 11 meter.<ref name="buku2"/> Perangan dhuwur wewangunan inti kasebut dumadi saka 8 sisi.<ref name="buku2"/> Angka-angka mau duwé teges dhewe-dhewe.<ref name="buku2"/> Angka 11 mujudake ukuran ka’bah rikala mentas dibangun déning [[Nabi]] Ibrahim, 9 minangka lambang anane [[Wali Sanga]], dene 8 mengku teges ''pat kwa'' (kejayaan utawa kabegjan ing basa Tiongkok).<ref name="buku2"/>
Replika kapal layar duwéke [[Laksamana Cheng Hoo]] ngrenggani perangan sisih tengene mesjid.<ref name="buku2"/> Relief kang nggambarake aksi heroike [[Laksamana Cheng Hoo]] ing segara tinatah ing tembok.<ref name="buku2"/> [[Laksamana Cheng Hoo]] mujudake panglima perang segara sing ngrasuk agama [[Islam]] .<ref name="buku2"/> modhel mesjid kanthi cangkrik Tiongkok kuna mau diilhami déning mesjid Niu Jie ing [[Beijing]], [[Cina]].<ref name="buku2"/>
