'''Elegi''' nggihinggih punika antyabasa jamak ing [[kasusastran]] ingkang ngemu teges cakepan ingkang ngandhut tangisan lan bela sungkawa awit sampun kicalan tiyang kinasih. Nanging tembung punika mboten mligi kagem perkawis raja pati. Pangginaan tembung "elegi" salebetipun cakepan utawi lagu ugi saget nggambaraken raos kicalan, perkawis punapa kemawon. Kados ingkang saget dipunpirsani wonten salah setunggalipun lagu anggitanipun [[Ebiet G. Ade]] sesirah ''Elegi Esok Pagi''. Amargi nerangaken tetangisan lan kanelangsan, elegi ugi mlebet minangka salah setunggalipun golongan [[geguritan]] modhèn; nggihinggih punika geguritan elegi. Geguritan punika saget ngemu teges minangka geguritan énggal ingkang ngandhut kaprihatinan, kanelangsan, lan kasengsaran. Obyek ingkang dipuntrangaken salebetipun geguritan elegi adatipun sedaya lelampahan pait ingkang naté dipunlampahi, utawi saget ugi awujud raos getun awit saking samukawis ingkang nate dumados. Kajawi saking punika, elegi ugi saget kaginaaken minangka mbombong-mbongi tiyang sanès ingkang saweg nandang kasengsaran. Geguritan elegi punika sejatosipun sampun lair awit jaman kasusastran [[Yunani]] lan [[Romawi]]. Rikala semanten, sedaya geguritan ingkang suraosipun ngandhut perkawis katresnan, payudan, lan raja pati dipunlebetaken wonten geguritan elegi. Lajeng awit abad kaping-16, antyabasa geguritan elegi dipuntrapaken kagem geguritan tetangisan, kasengsaran, raja pati, lan lelayon.<ref>KBBI: [http://kbbi.web.id/elegi Elegi], kapundhut 24 Mei 2017</ref><ref>Any Web: [http://any.web.id/definisi-dan-penggunaan-kata-elegi.info Definisi dan Penggunaan Kata “Elegi”], kapundhut 24 Mei 2017</ref>
