'''Walang kadung''' utawa '''dhéyé''' iku ordho ('''Mantodea''') kéwan gegremetan kangsing anggotané ana punjul 2.400 spésies ing sajeroning 430 génus ing sajeroning 15 famili. Famili sing anggotané akèh dhéwé ya iku Mantidae. Walang kadung sumebar ing saindengé donya, mliginé ing laladan anget lan tropis. Endhasé wujud pojok telu (''triangluar'') kanthi mata sing mlolo lan gulu luwes. Awaké ana sing duwé utawa tanpa suwiwi, nanging kabèh Mantodea duwé lengen gedhé kanggo nyekel lan ngengkeng mangsané. Pawakané jejeg lan lengené mingkup yèn lagi meneng.
