Gegemplang: Béda antara owahan

Konten dihapus Konten ditambahkan
Artikel iki nganggo Basa Jawa Banten. Tulung digawé tetengeré. Suwun!
(Ora ana béda)

Révisi kala 4 Agustus 2017 09.35

Gegemplang iku salah siji jenis dolanan tradisional sing ana ning daérah Banten, khususé ning wong sing nuturaken Basa Jawa Banten[1][2]. Cara dolan gegemplang iku bocah-bocah kira-kira wolu sampé sepuluh dodok keliling gawé kaya gelanggang. Kari nyekel watu cilik sing gedéné endog ayam. Siji bocah siji endog nanging kudu ana sing siji gedé déwék. Bocah-bocak kuwen nembang bebarengan bari ngelilingi watuné sing dicekel iku. Watuné si A dipai ning si B, watu si B dipai ning si C, mengkonon seterusé. Aturané ngepai watu iku kudu bareng-bareng, ora olih ndikiti atawa engko, sewaktu karo nyebutaken tembang-tembang. Sapa baé sing olih watu kang paling gedé sewisé nembang, bocah kuwen sing dadi rajané. Bocah kang dadi raja iku kudu nembang déwékan, seweruné déwék. Akéhé bocah sing dadi raja iku nembang lagu ronggéng, ana uga sing nembang sekar macapat[1].

Tembang sing ditembangi bareng-bareng ya iku:

Gegempalng wohing arén, gelondong wohing penjalin,....

Umah-umah Banjarkulon, kulon-kulon sekedaton....

Kedatoné kupat kuning, kupat kuning kayu andong....

Andong kayu ketumpang, ketumpang lalawuh urang, déning rangda lusuh kembang[1].

Rujukan

  1. a b c Mangun Dikaria, Mas (1914). Dialect Djawa Banten. Batavia: G. Kolff& Co. kc. 53–54.
  2. Iskandarwassid, dkk. (1985). Struktur Bahasa Jawa Dialek Banten. Jakarta: Pusat Pembinaan dan Pengembangan Bahasa Depdikbud. kc. 6–7.