Zhang Zuolin: Béda antara owahan

'''Zhang Zuolin''' (Hanzi: 张作霖, [[19 Maret]] [[1873]]-[[4 Juni]] [[1928]]) ya iku salah sijiné panglima perang [[Tiongkok]] nalika jaman [[Républik Tiongkok]] ing wiwitan [[abad]] 20.<ref name="internet1"/> Zhang Zuolin iku panglima [[perang]] kanggo wewengkon [[Manchuria]] lan tau nguwasani laladan kang amba ing bagéyanpérangan lor Tiongkok.<ref name="internet1"/> Zhang Zuolin biyasané diarani Komandhan Gedhé (大帥), Komandhan Udan (雨帥) utawa Macan Mukden.<ref name="internet1">[http://www.britannica.com/EBchecked/topic/105650/Zhang-Zuolin britannica.com](diundhuh tanggal 15 Agustus 2011)</ref>

Zhang Zuolin lair saka kluwarga kang prasaja.<ref name="internet2"/> Ing karir militèré, Zhang Zuolin tau mbiyantu [[Jepang]] ing [[perang Rusia-Jepang]] (1904-1905).<ref name="internet2"/> Zhang Zuolin dadi pamimpin saka milisi Manchuria.<ref name="internet2"/> Ing pamaréntahan Républik Tiongkok, Zhang Zuolin nduwèni jabatan kang wigati ing militèr.<ref name="internet2"/> Sawisé diangkat dadi inspèktur jèndral [[Manchuria]] nganti Zhang Zuolin mati, dhèwèké nguwasani laladan iku.<ref name="internet2"/> Zhang Zuolin kerep perang kanggo nguwasani laladan-laladan ing bagéyanpérangan kidul wiwit taun [[1920]] lan saterusé.<ref name="internet2"/> Zhang Zuolin tau perang karo panglima perang liyané ya iku [[Wu Peifu]] lan [[Feng Yuxiang]].<ref name="internet2"/> Perang iki tujuwané kanggo ngrebut [[kutha]] [[Beijing]].<ref name="internet2"/> Pasukan Fengtian kang dipimpin Zhang Zuolin bisa mimpin laladan Beijing lan Tianjin.<ref name="internet2"/> Kahanan iki kalakon nganti taun [[1926]], awit sawisé iku [[Jiang Jieshi]] ([[Chiang Kai-shek]]) bisa mimpim kutha iku sawisé nganakaké èkspèdhisi lor.<ref name="internet2"/> Jiang banjur meksa para panglima perang kanggo manut lan mbangun pamaréntahan nasional Tiongkok.<ref name="internet2"/> Sawisé iku jaman panglima perang banjur purna.<ref name="internet2">[http://history.cultural-china.com/en/46History7119.html history.cultural-china.com](diundhuh tanggal 15 Agustus 2011)</ref>