Ketéla pohung: Béda antara owahan

Téla pohong ing tlatah [[Surabaya]] karan ''menyok'', ing tlatah [[Banyumasan]] diarani ''bodin'', yèn ing tlatah [[Kulonprogo]] sisih lor lan sapérangan [[Magelang]] sinebut ''jendal'' ya iku jinis tetanduran kang biyasa ditandur ana ing [[tegalan]] ing [[mangsa rendheng]]. Tela kang ditandur ing taun tropika lan subtropika asalé saka kulawarga [[Euphorbiaceae]]. [[Umbi]]né mumpangaté akehakèh, salah sijiné bisa kanggo bahan panganan pokok lan ngasilaké [[karbohidrat]] lan [[godhong]] bisa kanggo [[sayuran]]. Godhong téla iku jenengé jlegur. Umbi téla kang ana ing lemah (siti) mertandhakaké, tetanduran iki kagolong ing suku palakepedhem, nduwèni oyot kang dadi pohung utawa umbi. Kanthi nduwèni titikan wujudé rata-rata gilig lan [[lonjong]]. Ing pohong nduwèni garis tengah kurang luweh 2–3 cm lan dawané kira-kira 50–80 cm. Dawa lan gedhené téla bisa diprabawai saka jinisé kang ditandur ana ing tegalan. Werniné tela ana loro [[putih]] lan [[kuning]].