Ilmu bela dhiri punika sejatosipun sampun wonten awit [[manungsa]] wonten, perkawis punika saged dipuntingali saking peninggalan purbakala kadostakados ta: [[kapak]] [[watu]], [[lukisan]] [[kéwan]] ingkang dipunpejahi ngangge [[gaman]] kados tumbak lan panahan.<ref name="internet1">[http://www.pbforki.org/index.php?option=com_content&view=category&layout=blog&id=42&Itemid=53 SEJARAH KARATE & FORKI] (dipunakses ing tanggal 8 Juni 2011)</ref> Bela dhiri ing wekdal punika taksih nggadhahi sifat kangge njagi saking gagguanipun kéwan.<ref name="internet1"/> Nanging wiwit kathahipun tiyang ing [[donya]], gangguan saking manungsa ugi wonten saengga kathah tiyang ingkang minat ngudi [[èlmu]] bela dhiri.<ref name="internet1"/> Sampun kasebat ing [[4000]] taun kepengker, sasampunipun [[Sidhartha Gautama]] seda, lajeng para pandherekipun pikantuk amanat supados ngrembakaken [[agami|agama]] [[Budha]] ing [[alam]] donya.<ref name="internet1"/> Ananging amargi saking angelipun medhan, lajeng para pendheta dipunparingi sangu ilmu bela dhiri.<ref name="internet1"/> Misi nyebaraken agami Budha dhateng arah [[kulon|kilen]] ndherek ngrembakaken èlmu [[Pangkration]] utawi [[Wrestling]] ing [[Yunani]].<ref name="internet1"/> Misi ingkang dhateng [[kidul]] ngrembakaken pencak [[silat]].<ref name="internet1"/> Ingkang dhateng ler njelajahi negeri [[China]] ngrembakaken [[kungfu]].<ref name="internet1"/> Saking negeri [[China]] rombongan ingkang dhateng [[Korea]] ngasilaken bela dhiri ingkang sapunika dipunsebat [[Taekwondo]].<ref name="internet1"/> Saking Korea pranyata rombongan punika boten saged nglajengaken lampah dhateng negeri Jepang, namung dumugi kepulauan [[Okinawa]].<ref name="internet1"/> Rombongan boten saged mlebet Jepang amargi ing wekdal punika Jepang sampun ngrembakaken ilmu bela dhiri [[Jujitsu]], [[Judo]], [[Kendo]], lan èlmu [[perang]] utawi [[Kenjutsu]].<ref name="internet1"/> Ing taun 1600-an, [[Krajaan Jepang]] sampun nguwasani Okinawa.<ref name="internet1"/> Kerajaan Jepang mrentah Okinawa kanthi tangan wesi, warganipun boten kepareng nggadhahi gaman utawi sanjata tajam, ngantos boten angsal nggadhahi [[tongkat]].<ref name="internet1"/> Kanthi boten dipunmangertosi déning pihak pamarentah kerajaan Jepang, bangsa Okinawa nyinaoni èlmu bela dhiri kanthi tangan kosong ingkang ing wekdal punika dipunparingi asma [[Tote]].<ref name="internet1"/> Saking satunggal teknik ngantos teknik sanesipun, èlmu bela dhiri punika dipunsinaoni kanthi temen lan para pendheta ndherek ngrembakaken èlmu bela dhiri punika.<ref name="internet1"/>
Salajengipun ing [[taun]] [[1921]] salah satunggalipun warga Okinawa ingkang asmanipun Gichin Funakoshi nepangaken èlmu bela dhiri saking TOTE punika ing Jepang, lajeng naminipun dipungantos dados nami karaté, manut kaliyan aksen Jepang wonten ing cara maosipun huruf [[Kanji]].<ref name="internet1"/> Awit ing wekdal punika karaté ngrembaka ing Jepang.<ref name="internet1"/>
