Cublak-cublak suweng: Béda antara owahan

 

==Carané dolanan cublak-cublak suweng==

 

Saumpama sing dolanan cacahé 7( A, B, C, D, E, F, lan G). Bocah 7 iku banjur [[sut]], sapa sing kalah, dadi. Umpama sing dadi G. Banjur G lungguh mengkurep ing lemah lan diubengi bocah 6 liyané ( A, B, C, D, E, lan F). Salah siji saka bocah 6 kui didadèkaké '''embok'''. Banjur kabèh tangané bocah 6 mau disèlèhaké ing gegeré G, tangané nganthong(telapaké ing dhuwur). Banjur padha nyanyèkaké tembang cublak-cublak suweng, sinambi embok ngubengaké suweng ing tangané bocah 6 mau. Nalika tembang tekan '''pak empong lera-lere''', kabèh tangan nggegem. Banjur nalika tekan '''sir sir pong dhele kopong''', kabèh tangan dijunjung saka gegere G lan driji duding loro karone nduding banjur diobahake kaya ngirisi gula jawa. Bareng karo iku G tangi saka lungguhe. Nalika tekan '''sir pong dhele kopong''' kang kapindho G dikon milih sapa kang nggawa suweng utawa krikil mau. Yèn pilihane G '''salah''', G kudu '''dadi '''meneh, nanging yèn '''bener''', sapa kang dipilih mau kudu '''dadi'''. Ngono sabanjuré.