Miturut Pararaton, Anusapati ya iku putrané Tunggul Ametung lan Kèn Dèdès. Bapaké dipatèni déning [[Kèn Arok]] nalika Anusapati isih kaandhut ibuné. Ken Arok banjur nikah karo Ken Dèdes lan njupuk jabatané Tunggul Ametung minagka akuwu Tumapel. Banjur ing taun 1222 Ken Arok ngabiwarakaké ngadegé Kerajaan Tumapel. Dhèwèké uga kasil ngambrukaké [[Kerajaan Kediri]] ing sangisoré pamaréntahan [[Kertajaya]]. Anusapati tuwuh diwasa lan ngrasa kurang digematèni dèningdéning Kèn Arok kamangka sedulur-seduluré déigematèni banget. Sawisé dicaritani déning Kèn Dèdès, Anusapati ngerti yèn satemené dhèwèké anak kuwaloné Ken Arok lan Tunggul Ametung minangka bapak kandhungé sing mati amarga diprejaya Kèn Arok. Anusapati kasil éntuk [[keris]] sing digawé Mpu Gandring uaiku keris sing biyèn dienggo matèni bapaké. Kanthi keris iku, réwangé Anusapati bisa mrejaya Kèn Arok. Anusapati gantèn mrejaya rewangé kasebut kanggo ngilangaké tilas. Tumrap wong-wong Anusapati ngabaraké yèn réwangé iku wis édan nganti mrejaya rajané. Sabanjuré Anusapati bisa munggah tahta. Ing mangsa pamaréntahané, mesthi tuwuh rasa kuwatir amarga wedi yèn anak-anaké Ken Arok mbales mrejaya Anusapati.<ref name="internet2">[http://www.bingkaindonesia.com/tokoh/25-dua-versi-carita-anusapati-dan-tohjaya.html Dua Versi Cerita Anusapati dan Tohjaya](diundhuh 20 Februari 2013)</ref>
