'''MesjidMasjid Muhammad Cheng Hoo''' ya iku mesjidmasjid kang diyasa déning [[muslim]] tionghoa sing kagabung marang Persatuan Islam Tionghoa [[Indonésia]] (PITI) [[Jawa Wétan]].<ref name="buku1">"Masjid Muhammad Cheng Ho".Panjebar Semangat.edisi 41:2007 kaca:29</ref> Manggon ing Jl. Gading No. 2 Surabaya lan sanggup nampung 200 jamaah.<ref name="buku1"/> Wewangunan kanthi arsitèktur [[Tiongkok]] iku saklebatan luwih memper klentheng tinimbang mesjidmasjid.<ref name="buku1"/> Sinaput rupa abang getih lan kubah modhèl trap-trapan tumpuk telu, MesjidMasjid Muhammad Cheng Hoo pancen ngemba yasan-yasan kas Tiongkok kuna.<ref name="buku1"/> Nadyan cakrike artistik, nanging ora pati gedhé kanggo ukuran sawijining papan ngibadah.<ref name="buku1"/>
Wewangunan intine mung ukuran 11 x 9 mèter.<ref name="buku2">"Masjid Muhammad Cheng Ho".Panjebar Semangat.edisi 41:2007 kaca:30</ref> Nanging yèn dielokake karo teras sisih kiwa tengen, ambané mesjidmasjid mau dadi 21 x 11 mèter.<ref name="buku2"/> Perangan dhuwur wewangunan inti kasebut dumadi saka 8 sisih.<ref name="buku2"/> Angka-angka mau duwé teges dhéwé-dhéwé.<ref name="buku2"/> Angka 11 minangka ukuran ka’bah rikala mentas diyasa déning [[Nabi]] Ibrahim, 9 minangka lambang anané [[Wali Sanga]], déné 8 mengku teges ''pat kwa'' (kejayaan utawa kabegjan ing basa Tiongkok).<ref name="buku2"/>
Replika kapal layar duwéke [[Laksamana Cheng Hoo]] ngrenggani perangan sisih tengene mesjidmasjid.<ref name="buku2"/> Relief kang nggambarake aksi heroike [[Laksamana Cheng Hoo]] ing segara tinatah ing tembok.<ref name="buku2"/> [[Laksamana Cheng Hoo]] minangka panglima perang segara sing ngrasuk agama [[Islam]].<ref name="buku2"/> modhel mesjidmasjid kanthi cangkrik Tiongkok kuna mau diilhami déning mesjidmasjid Niu Jie ing [[Beijing]], [[Cina]].<ref name="buku2"/>
