'''Commodore 64''' iku jeneng sawijining komputer omah 8-bit sing tau diproduksidiprodhuksi ing dasawarsa 1980-an lan 1990-an awal. Jeneng komputer iki uga kerep dicekak minangka C64, C-64, CBM 64 utawa VIC-64 ing Swédia. Komputer iki dilansir ing sasi Januari 1982 déning Commodore International lan nganti saiki kacathet minangka modèl komputer sing paling akèh payu. Prakiran kapayoné antara 10 nganti 17 yuta unit. Produksi volume diwiwiti ing awaling taun 1982, kanthi ngrilis komputer ing pasar nalika sasi Agustus mawa rega AS$ 595 (kurang luwih AS$ 1.481,25 ing taun 2016). Komputer iki didisiki déning Commodore VIC-20 lan Commodore PET, serta jenengé dijupuk saka kapasitas mémoriné sing gedhéné 64 kilobyte (65.536 byte) RAM. C64 ndarbèni spésifikasi swara lan gambar sing unggul yèn dipadhakaké karo komputer awal liyané kaya ta [[Apple II]] lan [[Atari 800]], déné ''sprites'' sing manékawarna lan prosèsor swara sing luwih mutakir.
C64 ndominasi pasaran ngisor komputer ing saakèhé dasawarsa 1980-an. Kanggo sawetara wektu sing suwé (1983-1986), C64 nduwé bagéanpérangan 30% nganti 40% saka pasaran komputer [[Amérika Sarékat]] lan satauné luwih sakapunjul rong yuta unit komputer payu didol. Dadi olèhé payu luwih akèh tinimbang komputer IBM PC kompatibel, Apple lan 8-bit Atari.
Salah sijiné alesan Commodore 64 bisa suksès iku amerga komputer iki uga didol ing toko-toko biasabiyasa lan ora namung ing toko-toko èlèktronika utawa toko mligi komputer waé. Komputer iki kerep dipadhaké karo mobil [[Ford Model T]] sing nepungaké tèknologi anyar marang gegriya kelas manengah déné produksi massa sing kréatif lan regané ora larang.<ref name="Kahney">{{cite web|url= http://www.wired.com/culture/lifestyle/news/2003/09/60349|title=Grandiose Price for a Modest PC |last=Kahney|first=Leander|date=September 9, 2003|publisher=CondéNet, Inc|accessdate=September 13, 2008}}</ref>
