Nona Sekretaris: Béda antara owahan

'''Nona Sekretaris''' iku sawijining karya satra [[gancaran]] abasa Jawa awujud novèl, anggitan [[Suparto Brata]]. Novèl Nona Sekretaris iki, ngajak kita ngamati kauripan kutha gedhé [[Jakarta]], mligi ing donya panggung panglipur sing wernané semarak gebyar-gebyar suka-parisuka, ananging uga kebak akal bulus sing bisa njlomprongaké mlebu jurang kasangsaran. Sèting carita novèl iki kadadéan taun 1984-an, dadi pancèn durung ana TV swasta ing Indonésia sing saben dina nyuguhaké donya gembira selebritis liwat sinetronsinétron, infoteinmen, iklan lan lomba-lomba sing tujuwané mburu popularitas lan galèk kasugihan kanthi rikat. Sanajan mangkono, donya panglipur uga wis semarak ing padinané masarakat, wiwit saka sing tradhisional kaya [[kethoprak]] lan [[wayang wong]], uga sing modhèrn kaya grup tari (dance) utawa sandiwara-sandiwara sing kerep méntas ing panggung, ing sajeroning gedhong-gedhong.

Sirtu Mekarndalu, senadyansanadyan pinaringan rupa sulistya, awak sing nggodha ati, ing kampungé wis dicedhaki karo punggawa nagari Drs. Pambudi, nanging durung marem. Duwé panggayuh sing luwih dhuwur. Kaya [[Kartini]] ing jamané, Sirtu nyoba ngowahi cara uripé kanthi makarya. Sirtu banjur lunga menyang Jakarta, mung kadar sangu rupa ayu lan nékad lunga asal tekan Jakarta waé. Sing dituju ya iku kantor Biro Jasa Kartika, sawijining biro penyalur tenaga makarya sing alamaté diwaca ing iklan sawijining koran.