Attika: Béda antara owahan

Attica iku [[ujung]] kang nonjol ka [[Segara Aegean]]. Sacara alamiah senmenanjung iki kapérang ing sisih lor saka Boeotia déning pagunungan [[Kithairon]] kang dawané 10 mil. Gunung-gunung misahaké ujung iki dadi dhataran Pedia, Mesogeia, lan Thriasia. Gunung-gunung mau kalebu [[Hymettus]], pérangan wétan saka [[Geraneia]], [[Parnitha]], [[Aigaleo]] lan gunung [[Penteli]]. Ing sisih lor diwatesi déning dhataran [[Boeotia]] lan ing sisih kulon déning [[Corinth, Yunani|Corinth]]. [[Teluk Saronic]] dumunung ing sisih kidul lan pulo [[Euboea]] dumunung ing sangarepé pasisir lor. Panampungan banyu utawa reservoir siji-sijiné ing Atena, [[Tlaga Marathon]], dumunung ing watara 42 km lor-wétan lan diarani Dam Marathon, dibuka ing taun [[1920]]. Wiwit dina iku, dadi tlaga ing Attika kang paling gedhé dhéwé. Alas uga ana ing tlatah saubengé Parnitha, Hymettus lan mangalor ing bukit lan pagunungan, kajaba pucuk gunung, déné gunung-gunung ing sisih kulon lan kidul arupa padhang suket, cengkar utawa ana alasé.