Jaringan [[tetanduran]] relatif luwih homogen tinimbang jaringan kéwan. Tetanduran ora duwé kemampuan lokomosi (pindhah)/obah sacarakanthi aktif kaya déné kéwan. Sanadyan mangkono, akèh sèl-sèl anyar kabentuk kanggo manéka jaringan minangka kompènsasi akèhé sèl-sèl sing mati, sing dadi pasif amarga duwé peran minangka sèl-sèl penyimpan cadhangan [[ènergi]] (umpamané ing [[woh]] utawa [[umbi]]) utawa [[metabolit sekundhèr]], lan kanggo ngisi jaringan anyar amarga tetanduran tansah nambah massané, mliginé tumrap [[tetanduran taunan]]. Jaringan sing aktif nagkaraké dhiri lan ora duwé fungsi mirunggan disebut ''jaringan meristematik'', sauntara iku jaringan sing wis manteb karo fungsiné disebut ''jaringan tetep''/''permanèn''.
