Dinten lair utawi dinten dadosipun kutha Ambon sampun dipuntetepaken ing tanggal [[7]] [[September]] [[1575]] wonten ing sawijining seminar ing Kota Ambon. Panemtuan punika sakingb pamanggihipun Walikotamadya Kepala Daerah Tingkat II Ambon Almarhum Letnan Kolonel Laut Matheos H. Manuputty (Walikota ingkang angka 9).
Saperlu punika wonten Surat KeputusanDudutan Walikotamadya Kepala Laladan tingkat II Ambon kanthi tanggal [[10]] [[Juli]] [[1972]] nomor 25/KPTS/1972 ingkang dipunewahi ing tanggal [[16]] [[Agustus]] [[1972]], ingkang wosipun babagan pembentukan Panitia Khusus Sajarah Kota Ambon kanthi tugas saperlu nemtokaken dinten pengetan pahargyan kutha Ambon. Lajeng kanthi surat ingkang tanggal [[24]] [[Oktober]] [[1972]] nomor PK. I/4168 minangka Panitia Khusus Sajarah Kota Ambon masrahaken tugasipun dhumateng Fakultas Keguruan Universitas Pattimura saperlu ngawontenaken sawijining seminar ilmiah saperlu nemtokakaken pahargyan Kota Ambon.
Salajengipun ing tanggal [[26]] [[Oktober]] [[1972]] Pimpinan Fakultas Keguruan ngawontenaken rapat kanthi pimpinan Jurusan Sajarah lan kasilipun inggih punika dipunterbitaken Surat KeputusanDudutan Dekan Fakultas Keguruan Universitas pattimura kanthi tanggal 1 Nopember 1972 nomor 4/1972 babagan pembentukan Panitia Seminar Sajarah Kota Ambon. Seminar sajarah punika dipunadani saking tanggal 14 dumugi 17 Nopember 1972, ingkang dipunrawuhi kirang langkung kalih atus tiyang ingkang kasungsun saking unsur-unsur akademis, Tokoh Masarakat lan Tokoh adat sarta aparat Pamaréntah Kodya Ambon saha Provinsi Maluku.<ref>[http://www.ambon.go.id/index.php?option=com_content&view=article&id=2&Itemid=9]</ref>
