Arkèolog ngira-ira candhi iki diadegaké udakara ing taun [[850]] M déning [[Rakai Pikatan]], ratu ka-angka 6 ing [[Kraton Medhang]], utawa [[Dyah Balitung]]. Nanging ora suwé sawusé binangun, candhi iki banjur dijaraké nganti rusak. Rénovasi candhi iki diwiwiti ing taun [[1918]] lan durung rampung tekan sepréné. Candhi utama rampung dirénovasi taun [[1953]] sanajan akèh watu pérangané sing wis ilang. Candhi-candhi cilik mokal dibangun manèh amarga mung katon landhesané utawa watuné ora ngancik 75% wanguné candhi. Candhi Prambanan kalebu ing [[Situs Warisan Donya]] [[UNESCO]] kawit taun [[1991]].