Hidra: Béda antara owahan

'''Hidra''' ({{lang-el|Ὕδρα}}) punika satunggaling [[Drakon]] wonten ing [[mitologi Yunani]]. [[Monster]] punika awujud [[ula]] utawi [[naga]] ingkang gadhah sangang sirah. Saben satunggal sirahipun tugel banjur tuwuh malih sirah ingkang énggal. Hidra ugi kagungan napas lan getih ingkang ngandhut wisa (racun) <ref>[[Gaius Julius Hyginus|Hyginus]], 30</ref>. Hidra mapan wonten ing [[tlaga]] [[Lerna]] ing [[Argolid]]. Awit saking punika makluk punika ugi dipunwastani '''Hidra Lerna''' ([[Basa Yunani|Yunani]]: {{Audio|Ell-Lernaia Ydra.ogg|''Λερναία Ὕδρα''}}). Papan kasebutmau ugi kalabet salah satunggaling jalur kanggé mlebet ing ''donya bawah''<ref>Kerenyi (1959), 143.</ref> Hidra punika keturunan saking [[Tifon]] lan [[Ekhidna]].<ref>Hesiodos, ''[[Theogonia]]'', 313</ref> Hidra dipunkalahaken déning [[Herakles]].

Lajeng Hidra nyuwun pitulungan saking sedhèrèkipun [[Iolaos]]. Iolaos pikantuk gagasan (saged ugi saking dewi [[Athena]]) bilih kedah ngginakaken obot kanggé ngobong gulunipun Hidra ingkang nembé tugel. Kanthi cara kasebutmau sirahipun Hidra boten saged tuwuh malih.<ref>[[Apollodoros]], 2,5,2</ref> Wonten ing versi sanèsipun, saben nugeli satunggal sirah, Herakles ngeclupaken pedangipun dhateng getih lan kaginakaken kanggé ngobong saben gulu saéngga boten saged tuwuh malih. Mirsani kawontenan kados makaten, [[Hera]] ngirim [[yuyu]] raksesa kanggé ngalihaken kawigatosanipun Herakles. Pungkasan yuyu kasebutmau mati amargi dipunpidak déning Herakles. Sasampunipun sadaya sirah Hidra ingkang boten abadi tugel, Herakles nugel kepala abadi Hidra lan dipunkubur wonten ing watu ageng ing margi antawisipun Lerna lan Elaios.<ref>Kerenyi 1959:144</ref>

Saderengipun kesah, Herakles ngeclup sadaya anak panahipun wonten ing getihipun Hidra saéngga sapunika sadaya panahipun ngandhut racun. Hera lajeng mapanaken Hidra lan yuyu raksesa punika minangka rasi bintang [[Hydra]] lan [[Cancer]]. Bibar nglampahi tugasipun, Herakles kondur marang Euristheus, ananging Euristheus nampik amargi Herakles dipunbiyantu kaliyan Iolaos saéngga tugas kasebutmau boten sah lan cacahing tugas Herakles tetep sanga.

Ing samangké, Herakles ngginakaken panah kasebutmau kanggé matèni [[Nessos]], satunggaling [[Kentaur]] ingkang badhé merkosa [[Deianeira]], garwanipun Herakles. Getih kasebutmau nginfeksi getihipun Nessos ingkang lajeng ugi ngracuni [[Jubah Nessos|busana]] ingkang samangké dipunagem déning Herakles saéngga matèni pahlawan kasebutmau.

Gambar:Lernaean Hydra Louvre CA7318.jpg|<center>Lukisan vas Herakles lan Iolaos tarung lawan Hidra ( 540-530 SM).