Yaqowiyu: Béda antara owahan

Konten dihapus Konten ditambahkan
Top4Bot (parembugan | pasumbang)
→‎Pahargyan: éjaan, replaced: dileksanakaké → ditindakaké
Top4Bot (parembugan | pasumbang)
éjaan, replaced: kasebut → mau (3)
Larik 6:
 
Upacara tradhisi Yaqowiyu wis kaleksanan wiwit taun 1589, pinuju tanggal 15 [[Sapar]].
Mula bukané upacara pahargyan iki ora liya amarga Ki Ageng Gribig, ya iku ngulama sholèh lan mangaribawa kang sugeng ing [[abad]] XVI. Nalika semana Ki Ageng Gribig kondur munggah [[haji]] saka [[kutha]] [[Mekah]] kanthi ngasta olèh-olèh arupa [[apem]] kanggo putra wayah lan para santri, amarga mung sethithik mula ora kabèh bisa keduman. Sabanjuré Nyi Ageng Gribig gawé apem manèh sisandéné bisa diandum marang para warga Jatinom, nalika andum apem, Ki Ageng Gribig karo ngendika '''"Yaa qowiyyu"''', tegesé: ''Duh, Gusti ! Paringana kekiyatan''. Prastawa kasebutmau banjur dilanggengaké lan dipèngeti saben taun déning warga kanthi jeneng '''Yaqowiyu'''.
Ki Ageng Gribig nalika kondur saka [[Mekah]], ora mung ngasta apem, nanging uga ngasta ''[[lemah]]'' segenggem kang dipundhut saka [[ara-ara|ngara-ara]] [[Arofah]], nuli ditanem ing lapangan sabanjuré kawastanan ngara-ara ''Tarwiyah'', amarga lemah iku kapundhut Kyai Ageng Gribig saka Arofah nalika ngumpulaké banyu kanggo sangu wukuf ing tanggal 8 [[Besar|Dzulhijjah]]. Dina iku pancèn kawastanan ''Yaumul Tarwiyah''. Banjur [[tembung]] Yaqowiyu ya iku saka pengajian kang dianakaké Ki Ageng Gribig, nalika mungkasi mesthi ndedonga “Yaa qowiyyu. Yaa Aziz qowina wal muslimiin, Yaa qowiyyu warzuqna wal muslimiin”, kanggo nyuwunaké kekuwatan umat [[muslim]].
 
Larik 13:
Pahargyan Yaqowiyu racaké ditindakaké ing komplèk pasaréan Ki Ageng Gribig kang dadi siji karo [[masjid]] lan ngara-ara. Wektuné bakda [[salat]] [[Jemuwah|Jum'at]]. Kang mèlu ngregengaké ora mung warga, nanging uga para nayaka praja, pangembating praja saka [[kabupatèn Klathèn]]. Pahargyan Yaqowiyu uga ana kang ngarani '''Saparan''' lan '''Apeman'''.
 
Apem kang disebar nganti atusan èwu, boboté watara 5 [[ton]]. Apem-apem kasebutmau minangka sumbangsih saka para warga ing Jatinom. Sadurungé disebar maèwu-èwu apem iku digawé gunungan dhisik, kanthi tumpukan kang kudu urut medhun 4-2-4-4-3, angka iku minangka gunggungé rokaat sajeroning [[salat]] 5 wektu. Gunungan apem kang [[lanang]] dijenengi Kyai Kiyat, déné kang [[wadon]] Nyai Kiyat. Sadurungé disebar ing lapangan kang ana ing pinggir kali, sisih [[kidul]] komplèk masjid lan pasarèyan Ki Ageng Gribig, gunungan apem iku dileremaké sawengi ing masjid.
Gunungan banjur digawa menyang menara kang ana ing punjering lapangan, nuli disebaraké déning para santri kang padha nganggo [[sandhangan]] lan [[iket]] werna putih, apem-apem iku dinggo rebutan para warga. Miturut kapercayan, yèn olèh apem kasebutmau, gegayuhan kang dipéngénake bakal kajangka. Ana kang dipakakaké [[kéwan]] ingon-ingon, diceguraké ana ing [[blumbang]], dipendhem anèng [[sawah]], dipendhem ing jero [[omah]], lan liya-liyané
 
== Réferènsi ==