Anemoi: Béda antara owahan

'''Anemoi''' ({{lang-el|Ἄνεμοι}}) punika para déwa [[angin]] wonten ing [[mitologi Yunani]] ingkang dados lambang ''mata angin''<ref name="anemoi1">[http://www.suaramerdeka.com/v1/index.php/read/cetak/2012/11/29/206925/Bunga-Bunga-Jadi-Tren-Batik-Akhir-2012] (id) anemoi (dipun''akses'' tanggal 28 Januari 2013)</ref> lan dipun''asosiasi''aken kaliyan manéka mangsa sarta kawontenan cuaca. Déwa-déwa kasebutmau asring dipungambaraken minangka angin utawi priyantun kakung ingkang gadhah swiwi utawi minangka [[jaran|turangga]] ing kandhang déwa [[Aiolos]]. Tiyang sepuhipun inggih punika [[Astraios]] lan [[Eos]].

Anggota Anemoi inggih punika '''Boreas''', déwa angin [[lor|lerlèr]] lan ingkang mbeta mangsa adhem ; '''Notos''', déwa angin [[kidul]] lan sesambetan kaliyan pungkasan mangsa panas ugi wiwitan mangsa palastra ; '''Zerifos''', déwa angin [[kulon|kilèn]] lan ingkang mbeta mangsa semi ; lan '''Euros''' déwa angin [[wétan]] lan wonten gegayutanipun kaliyan mangsa palastra. Ing antawisipun Anemoi, Euros punika satunggaling ingkang boten kasebutaken wonten ing ''[[Theogonia]]'' lan [[Himne Orfeus]]. Kejawi sekawan déwa utami punika, Anemoi ugi kapérang dados manéka déwa angin sanèsipun ingkang nglambangaken angin "barat laut", "timur laut", "tenggara", lan "barat daya". Wonten ing [[mitologi Romawi]], Anemoi kawéntar minangka '''Venti'''.

'''Boreas''' ({{lang-el|Βορέας, Boréas}}) punika déwa angin lerlèr lan ingkang mbeta mangsa adhem. Boreas dipungambaraken minangka priyantun kakung ingkang gadhah janggut lan swiwi sarta ngginakaken jubah. [[Pausanias (geografer)|Pausanias]] nyebat bilih Boreas kagungan suku[[ula]] sanajan wonten ing seni kuno sukunipun Boreas dipungambaraken minangka sukunipun manungsa.

Boreas kaubungaken kaliyan [[jaran|turangga]] lan ugi naté éwah dados turangga lanang lan metengi kathah turangga wadon dumugi Boreas dados bapak saking kalih welas turangga. Turangga ingkang putra saged mlayu ing sabin tanpa midak tuwuhan ing sabin kasebutmau. Ing versi sanèsipun, Boreas metengi turangga wadon tanpa ewah dados turangga lanang <ref>[[Pliny the Elder|Pliny]], ''Natural History'' iv.35 dan viii.67</ref>. Tiyang Yunani kuno pitados bilih Boreas mapan wonten ing [[Trakia]].