Kabupatèn Blora: Béda antara owahan

'''Kabupatèn Blora''' ya iku kabupatèn ing [[Jawa Tengah]], pernahé ing sisih wétan, tapel wates karo [[Jawa Wétan|Provinsi Jawa Wétan]], udakara 127 km sisih wétané [[Semarang]]. Kutha [[Blora, Blora|Blora]] iku [[kutha krajan]] kabupatèné, déné kutha-kutha liyané : [[Cepu, Cepu, Blora|Cepu]], [[Ngawèn, Blora|Ngawèn]], [[Kunduran, Kunduran, Blora|Kunduran]], [[Jepon, Jepon, Blora|Jepon]], [[Jiken, Jiken, Blora|Jiken]], [[Doplang, Jati, Blora|Doplang]], [[Randublatung, Randublatung, Blora|Randublatung]], [[Kradenan, Blora|Kradenan]] lan liya-liyané. Jembaré wewengkon Kabupatèn iki ± 1.821,40 km2 utawa 182.140 hèktar. Salah sawijining laladan ilèn [[Bengawan SoloSala]] sing diarani [[Bengawan Soré]], kawentar minangka laladan sing dadi lokasi perang antarané [[Arya Penangsang]] lan [[Sutawijaya]] sing dicaritaaké ana ing Legenda [[Arya Jipang]]. Liyané Legenda [[Arya Penangsang]] karo jaran [[Gagak Rimang]]é, Kabupatèn Blora uga kawentar déning anané [[ajaran Saminisme]] sing asalé saka tlatah [[Klopodhuwur, Banjareja, Blora|Klopodhuwur]] Blora. Masarakat [[Samin]] iki kerep banget didadèkaké obyèk panalitèn déning para mahasiswa utawa peneliti liyané saka [[Universitas Gadjah Mada]] lan Lembaga Pawiyatan Luhur liyané.

Kabupatèn Blora duwé tlatah sing paling endhèk 30 nganti 280 mèter sak ndhuwuré lumah segara, déné sing paling dhuwur nganti 500 mèter sak ndhuwuré lumah segara. Kacamatan [[Japah, Blora|Japah]] minangka tlatah sing paling dhuwur, déné Kacamatan [[Cepu, Blora|Cepu]] minangka tlatah sing paling endhèk dhéwé. Wewengkon Kabupatèn Blora diapit déning [[Pagunungan Kendheng Lor]] lan [[Pagunungan Kendheng Kidul]], kanthi susunan lemah arupa 56 % [[gromosol]], 39 % mediteran lan 5 % [[aluvial]]. Miturut tata guna tanah, laladan [[alas]] minangka tlatah sing paling amba dhéwé ya iku kurang punjul 90 hèktar utawa 49,66 persèn, disusul lahan [[sawah]] kurang luwih 46 hèktar lan [[tegalan]] 26 hèktar.<ref>[http://pemkabblora.go.id/?pg=1&pl=gambaranumum Gambaran umum wewengkon Blora]</ref> Kacamatan [[Cepu]] sing kawentar sugih kekandutan [[lenga]] patra ([[Blok Cepu]]), minangka wates karo Provinsi Jawa Wétan ([[Kabupatèn Bajanegara]] lan [[Kabupatèn Ngawi]]). Tapel wates mau arupa tapel wates alam, ya iku Kali [[Bengawan SoloSala]].