Wa Ode lair ing Jakarta, tanggal 23 Agustus 1984, nanging pakaryanipun kathah ingkang mundhut irah-irahan dhaérahtlatah. Babagan punika mboten éwah saking latar wingking kulawarginipun ingkang saking [[Kabupatèn Buton]], [[Sulawesi Tenggara]]. ''Cari aku di Canti'' inggih punika buku kempalan [[carita cekak]] ingkang nglantaraken namanipun nampi bebungah [[Kusala Sastra Khatulistiwa]] ing kategori Panyerat Nèm Mumpuni, taun [[2008]]. Awit taksih nèm, Wa Ode Wulan Ratna sampun cinaketan kaliyan jagating kasusastran lan maos buku-buku kagunganipun sang rama. Piyambakipun naté tumut ramanipun ingkang dados pangladhi dayung, mlebet alas. Wekdal punika, inggih namung buku-buku ingkang dados kancanipun.<ref>[http://old.bukabuku.com/authorscorner/detail/19245/wa-ode-wulan-ratna.html Buka Buku: Author's profile], kapundhut 23 Fèbruari 2015</ref><ref>[https://books.google.co.id/books?id=nLIi_gMRpl0C&pg=PA61&lpg=PA61&dq=profil+wa+ode+wulan+ratna&source=bl&ots=YgXHnpRsI7&sig=0ucTdNVjsTS9SkzXYcJbF8XOVkk&hl=en&sa=X&ei=_q7qVNzHEZeeugSW_IGwAw&redir_esc=y#v=onepage&q=profil%20wa%20ode%20wulan%20ratna&f=false Google Book: Cari aku di Canti], kapundhut 23 Fèbruari 2015</ref> Ing taun [[2003]], piyambakipun mbabar buku ''Perempuan Noktaria'', kempalan carita cekak ingkang nyariyosaken kahananipun para wanita ing masarakat.<ref>[http://store.tempo.co/foto/detail/P0112200800028/wa-ode-wulan-ratna#.VOqv23yUeOM Tempo store], kapundhut 23 Fèbruari 2015</ref><ref>[http://rewww.antaramaluku.com/berita/4816/penulis-padang-terbanyak-lolos-ubud-writers-festival Antara Maluku], kapundhut 23 Fèbruari 2015</ref>
Kajawi nyerat karya sastra, Wa Ode Wulan Ratna ugi dipunpracaya dados dhosèn Panyeratan Kreatif wonten ing [[Universitas Multimedia Nusantara]] Jakarta, Piyambakipun saèstu remen mlampah-mlampah, melancong dhumateng sapérang kutha saperlu nggulawenthah kaprigelan panyeratan ingkang badhé dipunangkat minangka karya sastra. Taun [[2010]] piyambakipun katimbalan déning [[Dewan Kesenian Tegal]] saperlu maos carita cekak wonten Gedung Kesenian Tegal.<ref>[http://www.ubudwritersfestival.com/ Situs resmi Ubud Writers & Readers Festival], kapundhut 23 Fèbruari 2015</ref>
