Jovan Cvijic: Béda antara owahan

'''Jovan Cvijic''' ya iku ahli [[Antropologi|antropologi]] saka Loznica, [[Serbia]], kalairan taun 1865<ref>{{Cite book|url=https://www.worldcat.org/oclc/436848672|title=Biographical dictionary of social and cultural anthropology|last=|first=Amit, Vered,|date=|publisher=Routledge|year=2004|isbn=020364459X|location=London|pages=146|oclc=436848672}}</ref>. Pandhidhikané naté ing Great School ing Belgrade program Diploma taun 1888. Sabanjuré ing University of Vienna (Ph.D.) taun 1892. Sanajan Jovan iki ora duwé data kang bisa diklasifikasiaké minangka panlitian lapangan antropologi, nanging dhéwéké wis nulis werna-werna karya antropologis. Akéh bab tulisané iku luwih akéh nuduhaké bab sosial pulitik ing wewengkon [[Yugoslavia]]. Contoné ya iku ''La Peninsule balkanique. Geographie humaine'' (The Balkan Peninsula: Human Geography) taun 1918 lan ''Sabrana dela'' (Collected Works) taun 1987. Karir akademisé iku ing géomorfologi minangka kajian doktoral. Nanging pakaryané ing géografi manungsa lan étnologi cukup kawentar. Dhéwéké dikenal minangka ilmuwan antropologi ing Yugoslav ing awal abad 20. Malah amarga jasané, pamréntah Serbia (Yugoslavia) nggawéaké museum kanggo mengeti jasa-jasané.