[[Gambar:Umeboshi.jpg|jmpl|woh ume ingkang mboten dipundamel garing]]
'''Umeboshi''' (Jepang: 梅干 dipunéja [u͍meboɕi] utawi kanthi harfiah "ume garing") menikapunika asinan garing ingkang dipundamel saking woh-[[ume]] (''prunus mume'') ingkang limrahipun saged kapanggihaken wonten ing [[Jepang]].<ref>[http://www.japantimes.co.jp/life/2012/05/25/food/umeboshi-perfect-in-any-culinary-pickle/#.Ugh5PtJHKSo ''Umeboshi, Perfect in Any Culinary Pickle'', dipunakses situs Japantimes nalika tanggal 12 Agustus 2013]</ref> Umeboshi menikapunika sejatosipun kecut lan asin, ananging samenika ugi sampun dipundamel kanthi maneka werna pilihan raos. Limrahipun ume menikapunika dipundamel asinan, ananging wonten ing proses prodhuksi modhèrn ugi saged dipundamel acar kanthi cara dipunlebetaken ing toya ingkang dipuncampur kaliyan larutan [[cuka]] satemah raosipun boten asin sanget.
== Cara Panganggenipun ==
Umeboshi menikapunika dipunpapanaken wonten ing saknginggilipun [[sega|sekul]] minangka pralambang [[gendéra Jepang]] lan ugi raos patriotisme, amargi wonten ing mangsa [[Perang Donya II|Perang Donya]] ingkang kaping kalih, dhaharan kados menikapunika dipunaturaken déning Pamarentah [[Jepang]] dhumateng para rakyatipun amargi dhaharan ingkang gadhah kandhutan nutrisi sanesipun sampun dipunaturaken kagem para tentara lajeng dipunparingi nama ''hinomaru bento''. Hinomaru menikapunika ateges wujud bunderan abrit/abang ingkang wonten ing [[Gendéra Jepang|gendéra Jepang.]]. Ananging umeboshi menikapunika ugi asring dipunlebetaken ing [[onigiri]] minangka rasa, campuran wonten ing [[ochazuke]], utawi dados [[permen]].<ref>[http://food.detik.com/read/2011/10/12/113028/1742176/482/ ''Asam-Asam Asin Si Umeboshi'', diakses dari situs Detikfood pada tanggal 12 Agustus 2013]</ref>
