'''Fabio Quagliarella''' ({{lahirmati||31|1|1983}}) ya iku pemainjuru main bal-balan [[Italia]] kang mainé dadi penyerang kanggo tim [[Juventus]] lan {{timnas|Italia}}.<ref name="internet1">[http://www.juventus.co.id/detail_pemain.php?id_ref_menu=31&id_parents_menu=6&id_pemain=997 www.juventus.co.id] (Diaksès tanggal 2 Juni 2011)</ref> Dhèwèké ditepungi amarga duwé kamampuan kanggo gawé gol saka panggon kang angèl lan ora bisa dicekel kiper. Miwiti dhebuté ana ing Seri-A nalika tanggal 14 Mèi 2000 (menang lawan [[Piacenza]] skoré 2-1). Taun 2002 dhèwèké pindhah menyang [[Fiorentina]] kang nalika iku main ana ing Seri-C2, sawisé iku banjur dhèwèké ditransfer menyang [[Chienti]] kang main ana ing Seri-C1. Quagliarella bisa gawé 17 gol ana ing 32 laga. Performa apik ndadèkaké Torino narik manèh Quagriella kanggo main ana ing Torino kang nalika iku main ana ing Seri-B. Quagliarella bareng Torino wis mènèhi kontribusi awujud 8 gol ana ing 36 laga kang nggawa Torino ana ing Seri-A.<ref name="internet2">[http://www.goal.com/en/people/italy/8101/fabio-quagliarella www.goal.com] (Diaksès tanggal 2 Juni 2011)</ref>
Nalika Torino dinyatakaké pailit, taun 2005 sasi Agustus banjur Quagliarella pindhah menyang Udinese lan disilihaké sedhéla menyang Ascoli. Bareng Ascoli, nalika vs [[Treviso]], dhèwèké gawé gol pisanané ana ing Seri-A. Mangsa 2006-2007 sang penyerang iki dadi duwèkané bareng-bareng antarané [[Udinese]] lan [[Sampdoria]], nalika ing Sampdoria Quagliarella gawé 13 gol. Ana ing sasi Juni 2007, Udinese memengaké hak kapamilikan pemainjuru main iki.
