Nyi Blorong: Béda antara owahan

Konten dihapus Konten ditambahkan
Digawé kanthi mertal kaca "Nyi Blorong"
(Ora ana béda)

Révisi kala 30 Januari 2018 15.45

Nyi Blorong minangka tokoh legenda Indonesia sing awujud wong wadon ayu, awake manungsa saka bangkekan munggah, lan awujud ula saka bangkekan mudhun. Dheweke minangka panglima paling kuat sing diduweni dening Kanjeng Ratu Kidul lan asring dianggep padha karo Nyi Roro Kidul.

Legenda

Miturut kapercayan masyarakat, Nyi Blorong iku panguwasa kraton pesisir kidul  wis nduweni kesaktian ngedap-edapi, sing melu dadi andhahane mawarna-warna mahluk alus. Miturut critane dheweke pancen ditugasake kanggo nasarake manungsa supaya kejegur ing pasugihan lan ndadekake manungsa babu-babune sing manut.

Nyi Blorong katon nganggo kebaya awarna ijo kanthi rajutan emas. Jarit dawa awarna   emas kasebut miturut critane  minangka wujud asline, yaiku  ula raseksa. Nalika rembulan purnama, ayune  lan sektine Nyi Blorong ngrambah tekan pucuk, nanging nalika rembulan wis cilik, dheweke bakal bali menyang wujude sing asli yaiku ula raseksa.

Serat Centhini nyebutake menawa   Nyi Blorong sing ayu yaiku putri saka  Ratu Anginangin. Dheweke diomah-omahake karo Jaka Linglung sawise bakal bojone iku kasil mateni baya  putih panjilmane Prabu Dewatacengkar.

Pesugihan

Nyi Blorong dipercaya bisa nekakake kasugihan marang wong kang kapincut ngajak sekuton. Saben tekane Nyi Blorong, dheweke bakal ninggalake  emas ing panggonan dheweke nemoni wong sing sekuton  minangka ganjaran. Emas kasebut miturut critane sabenere minangka sisik-sisik awake.

Pesugihan karo Nyi Blorong dipercaya mbutuhake kurban jiwa manungsa pandhereke. Nalika ajal, roh-roh pendhereke iku bakal dadi bagéan saka pedunung kraton gaib  Segara Kidul kanggo ing salawas-lawase. Kajaba iku, ing wektu tartamtu , Nyi Blorong  uga njaluk tumbal nyawa kanggo nambah gunggung  prajurit lan uga nambahake ayune.

Nyi Blorong lan Nyi Roro Kidul

Sawetara spiritualis nganggep  Nyi Blorong padha  karo Nyi Loro Kidul, nanging model kasebut dibantah saperangan pakar supranatural liyane. Nyi Blorong luwih awujud minangka putri  ula sing diutus kanggo nggodha wong lan mingserake manungsa kanthi cara pesugihan. Bab iku beda karo Ratu kidul sing nduweni ati sing apik.

Nyimas Dewi Anggatri

Nanging miturut sumber liya, Nyi Blorong iku jeneng kanggo Nyimas Dewi Anggatri, anak saka Nyimas Dewi Rangkita utawa kang dikenal minangka ratu Galuh, anak saka Nyimas Dewi Anggista, putri ragil saka Raja Caringin Kurung kaping XI, Prabu Jaya Cakra.

Budaya kawentar

  • Nyi Blorong iku minangka paraga legenda Indonesia sing  asring dadi tema film. Sawetara film sing nganggo  tema Nyi Blorong yaiku Nyi Blorong lan Perkawinan Nyi Blorong.
  • Buku "Dari Soal Priyayi sampai Nyi Blorong: Refleksi Historis Nusantara" minangka kumpulan  tulisan saka sejarawan Ong Hok Ham ing ariwarti Kompas.