Kesenian iki awujud tarian golongan sing nirokaké solah tingkahé Singa barong sing prakasa lan tokoh liyané ya iku [[Bujangganong]], [[Joko Lodro]], [[ReogRéyog]], [[Noyontoko]] lan [[Untub]]. Anan ing [[kesenian]] [[Jathilan]], mliginé ing tlatah [[Ngayogyakarta]] lan sakiwa tengené, barongan mono kanthi paraga wong loro utawa wong telu, kabèh-kabèhe mlebu ing sawijining karung kang dirékayasa wujud kéwan, sing ngarep nyekel [[endhas]], kang mburi nyekel [[buntut]], déné kang tengah lumrahé manggul/munji sawijining pawongan, kaya-kaya wong mau numpak barongan. Sajeroning pamentasan kagunan barongan, para paraga mau jejogètan diiringi nganggo instrumèn [[musik]] antarané: [[Kendhang]], [[Bedhug]], [[Bonang]], [[Saron]], [[Demung]], [[Kempul]] lan [[Suwukan]].