'''Manatee''' dikenal minangka kéwan banyu.<ref name="Buku1">[Majalah Panjebar Semangat. 12 April 2003. Edisi 15. Hal 47]</ref> Kéwan kang ing basa [[Latin]]e mau (''Trichechus inunguis'') iki minangka mamalia [[laut]] gedhé dhéwé ing [[Amazon]].<ref name="Buku1"/> Boboté punjul 450 kg, déné dawané punjul 270 cm. ''Vocacrous hèrbivor'', manatee mangan nganti 50 kg saben dinané, mathuk karo prosèntase bobot awaké.<ref name="Buku1"/> Cara uripé manatee pancèn rélatif nyedhaki cara uripé [[gajah]].<ref name="Buku1"/>
Manatee mangan akèh banget sasuwéné musimmangsa lembab.<ref name="Buku1"/> Sasuwéné iku, manatee uga yasa pertahanané.<ref name="Buku1"/> Ora ana siji waé wong kang bisa ngerti piyé manatee bisa nindakaké iki, ya iku bisa akèh mangan [[panganan]] pokok laut kamangka ditindakaké kanthi obahan kang nglemer ing jero kali Amazon kang dawa.<ref name="Buku1"/> [[Utek]] ciliké ora nggambaraké kapinteran kang dhuwur, matané sipit banget, kupingé tipis, lan tansah nutup irungé ing jero banyu amrih ora kleleb.<ref name="Buku1"/> Luwih misterius manèh, ing mangsa katiga manatee bisa meneng anteng sanadyan kabèh awake kang wigati isih mlaku lan sangguh pasa nganti 6 wulan suwéné.<ref>Domning, D.P., 1994, Paleontology and evolution of sirenians: Status of knowledge and research needs, in Proceeding of the 1st International Manatee and Dugong Research Conference, Gainesville, Florida, 1-5)</ref>
