Rondhé (panganan)

Ronde iku pangan tradisional  China kanthi jeneng asli Tāngyuán (Hanzi=湯圓;mrasajakaké=汤圆; hanyu pinyin=tāngyuán). Jeneng tangyuan minangka kiasan saka reuni kulawarga (Hanzi=團圓;mrasajakaké=团圆) diwaca tuányuán (mèmper tangyuan). Ronde  digawe saka ketan glepung sing dicampur banyu  sethitik lan kawangun kaya bal, digodhok, lan diladekake kanthi duduh legi . Ukurane bisa  cilik utawa gedhe, diwenehi isi utawa ora. Wong cina bisa mangan  tangyuan nalika  festival Yuanxiao utawa Festival Lampion utawa Festival Dongzhi (Hanzi=冬至;mrasajakaké=冬至; korea=동지;Vietnam=Đông chí; Indonesia=Dina Wedang Ronde) utawa ing saben wektu   dianakaké kumpul kulawarga, umpamane, nalika mantenan.

Barkas:YuanXiao.jpg

sakmangkok  tangyuan/ronde

Perkembangan Sajarah 

Mula Bukane

Miturut legenda , ing jaman  Dinasti Han, ana dayang kraton kanthi jeneng Yuanxiao. Dheweke banget kangen marang wong tuwane sakloron nanging ora bisa ninggalalke kraton, pungkasane dheweke terus nangis lan pengin nglalu. Sawijining  mentri sing mangerteni bab kasebut janji bakal mitulungi. Apa sing kudu ditindakake Yuanxiao yaiku   nggawe Tangyuan saakehe (kang minangka masakan paling apik sing bisa dheweke  gawe) minangka kurban kanggo dewa  ing tanggal 15 1 sasi Imlek. Yuanxiao klakon nindakake lan  sang kaisar ngrasa marem. Yuanxiao dililani  ketemu wong tuwane sakloron . Wiwit wektu iku, ing tanggal 15 sasi 1 tanggalan Imlek dianakake Festival Yuanxiao utawa  Festival Lampion.

Miturut cathetan sajarah, tangyuan wis dadi cemilan sing kawentar  ing China wiwit  Dinasti Sung.