Ama-no-Uzume: Béda antara owahan

Konten dihapus Konten ditambahkan
Kaca anyar: '''Ama-no-Uzume''' (Jepang: 天宇受売命, 天鈿女命) inggih menika satunggaling dewi tari lan kabagyan utawi dewi ingkang nari nalika wanci enjing.<ref name="a"> Roberts, Jeremy...
(Ora ana béda)

Révisi kala 19 Fèbruari 2018 03.54

Ama-no-Uzume (Jepang: 天宇受売命, 天鈿女命) inggih menika satunggaling dewi tari lan kabagyan utawi dewi ingkang nari nalika wanci enjing.[1] Kanthi kasiram toya ingkang medal ing sanginggilipun guci, Ama no Uzume menika nari lan paring lelipur dhumateng para dewa-dewi wonten ing swarga.[2] Tarian Ama no Uzume menika asring dipunlampahi wonten ing pentas kagura ing era ingkang modern.[3]thumb|Tablet Ama-no-Uzume ing kuil Takachiho.

Sekilas

Ama no Uzume menika ateges “dewi aroma swarga” lan kadang kala ugi pikantuk jejuluk Ame-no-Uzume-no-Mikoto, lan Ame-no-Uzume-no-Kami. [3] Jejuluk sanesipun inggih menika tiyang ingkang dados pembujuk handal, Kenya saking swarga, Putri swarga lan wanita ingkang njagi swarga.[3]

Katsuhiro Yoshizawa, tiyang ingkang nganggit Hakuin, menika damel prakiraan bilih Uzume menika pralambang wanita ingkang pas wonten ing jaman klasik, inggih menika kanthi pipi ingkang kebal lajeng alis ingkang kandhel.[4]

Legenda

Paring lelipur Amaterasu

[Kojiki]] lan Nihongi menika nyariosaken bilih Ama No Uzume menika wanita ingkang paring lelipur wonten ing donyaning para dewa. [1] Salah satunggaling kisahipun menika nalika Amaterasu ndelik wonetn ing gua, bumi kebak salju ingkang kandel lan peteng. Lajeng Ama No Uzume menika nari kanthi nilar sedaya busana lajeng nari-nari wonten ing sangajengipun gua papan kangge Amaterasu menika ndelik.[1] Sedawa dewa menika ngguyu lan damel Amaterasu rumaos pengen mangertos lan pungkasan nedahaken praupanipun nalih, cahyaning donya kondur, pagesangan saged kalajengaken.[4]

Ndherekaken Ninigi lan krama kaliyan Saruta-Hiko

Ama-no-Uzume ugi pikantuk dhawuh kangge njagi wayahipun Amaterasu, Ninigi dhateng bumi, ingkang salajengipun piyambakipun menika dados kaisar ingkang sepisan wonten ing Jepang. [1] Nalika Ninigi sampun rawuh wonten ing bumi, dumadakan medal monster ageng ingkang dados pepalang ing dalan, lajeng kanthi rikat Ama-no-Uzume ngadhepi monster kasevat, sinaosa boten wonten setunggal dewa ingkang wani nglawan monster kasebat.[2] Kanthi esem ingkang amba, Uzume nari wonten ing sangajengipun makhuk kasebat lan malangi. [4] Nembe dipunmangertosi bilih monster kasebat jelmaan saking dewa kreteg bumi lan langit ingkang asmanipun Sarutahiko ingkang badhe sapa aruh dhateng Ninigi. [3]

Lajeng kekalihipun sami tetepangan lan gantosan anggenipun njagi Ninigi. Uzume menika tansag ngancani Sarutahika saben-saben piyambakipun sampun ngrampitaken tugasipun ing wewengkon Ise. Amargi asring sareng-sareng, pramila langit damel takdir supados kekalihipun menika dados pasangan garwa. Palakramanipun pikantuk berkat saking para dewa ing swarga lan paring nama enggal kangge kekalihipun inggih menika Sarume-no-Kimia utawi ketua saking klan Sarume. [2] Kekalihipun menika manggen sesarengan wonten ing kretg antawisipun swarga lan bumi.[2]

Popularitas

Tarian uzume menika sinebat ame-no-uzume dipunlampahi ing maneka ritual tradisi masyarakat Jepang. Kadosdene kagura tuladhanipun satunggaling adicara tarian kangge damel wungu tiyang ingkang sampun seda.[4] Tarian sanesipun menika dipunginakaken kangge ngrayakaken dinten tandur lan panen.[4]

Otafuku menika satunggaling karakter wonten ing Fukuwari, satunggaling dolanan tradisional ingkang kondhang wonten ing Jepang.[5] menika kagungan watak ingkang sumeh ingkang saged mbeta kabagyan. Satemah para sejarawan menika damel prakiraan Otafuku menika wonten sesambetanipun kaliyan Ama-no-Uzume. [4]

Rujukan

  1. a b c d Roberts, Jeremy. 2009. Japanese Mythology A to Z: Second edition. New York: Infobase Publishing.
  2. a b c d Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Mori Mizue. Encyclopedia of Shinto. "Amenouzume". {{cite journal}}: Cite journal requires |journal= (pitulung)
  3. a b c d Goddess A Day. "Ame-no-uzume". {{cite journal}}: Cite journal requires |journal= (pitulung)
  4. a b c d e f Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé. Green Shinto. "Otafuku and Uzume". {{cite journal}}: Cite journal requires |journal= (pitulung)
  5. http://www.dailykos.com/story/2008/12/10/671419/-How-a-Woman-Becomes-a-Goddess-160-Amaterasu