Gwangyang

jmpl|ka|250px|Stasiun Okgok, Gwangyang Gwangyang inggih menika satunggaling kutha industri ingkang mapan wonten ing Provinsi Jeolla Kidul, Korea Kidul. kanthi tebihipun 90,1 km wonten ing kidul wetan Gwangju, 53 km saking kutha Yeosu (Jeolla Kidul). Ing sisih wetan menika winatesan kaliyan Kabupaten Hadong ingkang kapisah dening Kali Seomjin. Wonten ing sisih kulon menika dipunwatesi kaliyan kutha Suncheon lan wonten ing sisih kidul menika wonten segara Kidul. Wiyaripun kutha Gwangyang menika 441,97 km², kanthi cacahipun penduduk menika wonten 150.000 tiyang.

Gwangyang menika satunggaling kutha industri ingkang damel produksi wesi, piranti kangge pelabuhan, baja, piranti kangge nggiling baja, lan kontainer dermaga. Perusahaan ageng ingkang gadhah markas wonten ing kutha menika ing antawisipun wonten Gwangyang Steelworks ingkang damel produksi baja. Pabrik Baja Gwangyang menika dipunmangertosi minangka pabrik baha ingkang paling ageng wonten ing donya kanthi kapasitas produksi menika saged dumugi 15,8 juta ton ing saben taun. Baja saking Gwangyang dipunginakaken kangge damel kreteg, kontainer, mobil lan piranti wonten ing rumah tangga. Wonten ing kutha menika ugi wonten terminal kontainer ingkang kahubung mawi dalan tol ingkang gadhah ancas kangge nggampilaken akses dhateng saperangan wewengkon ing Korea Kidul.