Dongmyeong saking Goguryeo: Béda antara owahan
Kaca anyar: {{Infobox Korean name |hangul=동명성왕 ''utawi'' 동명왕 |hanja=東明聖王 ''utawi'' 東明王 |rr=Dongmyeong-seongwang ''utawi'' Dongmyeong-wang |mr=Tongmyŏng-sŏngwang ''ut... |
(Ora ana béda)
|
Révisi kala 20 Fèbruari 2018 03.55
Dongmyeong saking Goguryeo (58 SM - 19 SM, Jumeneng 37 SM – 19 SM), dipuntepangi ugi minangka Jumong, inggih menika raja ingkang madegaken kerajaan Goguryeo, salah satunggal saking Tiga Kerajaan Korea. Wonten ing salebeting Prasasti Raja Gwanggaeto, piyambakipun menika kaukir kanthi nama "Chumo-wang" (Raja Chumo). Wonten ing salebeting babad Samguk Sagi lan Samguk Yusa, piyambakipun menika dipuntepangi minangka ingkang asalipun menika saking Wangsa Go. Samguk Sagi menika ugi nyerat Jumong minangka Chumo utawi Sanghae (象解). Jumong ugi dipunmangertosi wonten kathah nama ing maneka cathetan sejarah kadosdene Chumong (추몽, 鄒蒙), Jungmo (중모, 中牟 utawi 仲牟), lan ugiDomo (도모, 都牟).[butuh sitiran]
| Dongmyeong saking Goguryeo | |
|---|---|
| Hangul | 동명성왕 utawi 동명왕 |
| Hanja | 東明聖王 utawi 東明王 |
| Alihaksara Koréa Kang Sinampurna | Dongmyeong-seongwang utawi Dongmyeong-wang |
| McCune–Reischauer | Tongmyŏng-sŏngwang utawi Tongmyŏng-wang |
| Jeneng lair | |
| Hangul | 고주몽 utawi 추모 |
| Hanja | 高朱蒙 utawi 鄒牟 |
| Alihaksara Koréa Kang Sinampurna | Go Jumong utawi Chumo |
| McCune–Reischauer | Ko Ch'umong utawi Ch'umo |
Wiyosipun lan legenda
Legenda madegipun kerajaan Goguryeo menika kaserat wonten ing babad-babad Korea, kalebet wonten ing Prasasti Gwanggaeto. Ringkesan legenda ingkang paling kathah dipunmangertosi menika kaserat wonten ing babad Samguk Sagi, Samguk Yusa, sarta Buku Raja Dongmyeong saking Dongguk I sangguk jip ("Kumpulan Seratan Menteri Yi") dening Yi Gyu-bo.
Sianosa mekaten, kathah ingkang boten jumbuh ingkang dipunserat dening cathetan-cathetan kasebat setunggal kaliyan sanesipun, mliginipun bab sinten sejatosipun bapakipun Jumong. Wonten ing saperangan sumber sejarah, ngandharaken bilih Jumong menika putra saking Hae Mosu lan Yuhwa. Wonten ing salebeting cathetan bab legenda dipunandharaken bilih Hae Mosu menika putra dewa langit, lan Yuhwa menika putri saking dewata kali Habaek. Ing satunggaling dinten Hae Mosu kepanggih kaliyan Yuhwa wonten ing satunggaling kali, ananing dewata kali menika nyuwun supados Hae Mosu kesah. Dewata Habaek lajeng nyuwun Yuhwa tindak dhateng Ubalsu lan wonten ing mriku piyambakipun menika kepanggih kaliyan Raja Geumwa saking kerajaan Dongbuyeo. Wonten ing papan kasebat Yuhwa miyosaken setunggal endog, ingkang saksampunipun kenging cahya srengenge. [butuh sitiran] Geumwa nyobi ngrisak tigan kasebat lan maringaken dhateng kewan supados dipuntedhi, ananging kewan kasebat malah njagi. Geumwa lajeng mangsulaken tigan kasebat dhateng Yuhwa, lan saking tigan kasebat miyos satunggaling bayi kakung ingkang dipunparingi asma Jumong ingkang ateges "pemanah handal" wonten ing basa Buyeo.
Hijrah saking Dongbuyeo
Jumong menika kondhang awit kapinteranipun minangka pemanah. Perangan kasebat damel putra mahkota iri lan piyambakipun meksa supados Jumong kesah nilar istana Dongbuyeo.[1] Nalika piyambakipun dumugi ing wewengkon kidul kali, piyambakipun ndadosaken setunggal gangsal kelompok suku wonten ing Jolbon lajeng madegaken kerajaan Goguryeo. Jumong paring pinangan dhumateng putri kepala suku Jolbon, So Seo-no.
Jumeneng
Nalika taun 37 SM, Jumong madegaken kerajaan Goguryeo, lan piyambakipun dados raja ingkang sepisan. Wonten ing taun ingkang sami, Raja Songyang saking negeri Biryu menika nyerah saksampunipun Jumong paring pambiyantu anggenipun nglawan serangan saking suku Malgal. wonten ing taun 34 SM, Jumong menika mbangun ibukota ingkang sepisan lan istana ingkang dipunparingi nama Jolbon-seong. Nalika taun 28 SM, Jumong saged ngalahaken kerajaan Okjeo kanthi ngirim hulubalang Bu Wiyeom. Wonten ing taun ingkang sami ugi, ibu saking Jumong inggih menika Yuhwa tilar donya wonten ing istana Dongbuyeo lajeng dipunmakamaken minangka ratu, sinaosa piyambakipun menika namung selir raja.
Jumong menika ngirim setunggal abdi lan paring persembahan bebungah dhumateng Raja Geumwa awit saking kawicaksananipun. Ing taun 19 SM, garwa sepisan Jumong, nalika wonten ing negeri Dongbuyeo, Ye Soya, keplayu dhateng Goguryeo sareng kaliyan putranipun ingkang anama Yuri.[2] Ye lajeng dipunangkat dados ratu ingkang ndamel meri So Seo-no. So rumaos kuwatir awit posisi kekalih putranipun amargi Jumong menika langkung remen marang Yuri. So Seo-no lajeng nilaraken istana lan tumuju kidul sareng kaliyan kekalih putranipun, Biryu lan Onjo. Onjo samangke dados raja sepisan wonten ing kerajaan Baekje.
Sedanipun lan ahli waris
Jumong menika tilar donya ing taun 19 SM kanthi yuswa 40 tahun.[3] Putra Mahkota Yuri makamaken Raja Jumong wonten ing makam ageng awujud piramida, sarta maringi gelar "Chumo-Seong Wang".
Kerajaan Goguryeo ingkang dipunbangun dening Jumong menika tuwuh dados negara ingkang makmur lan santosa. Goguryeo saged madeg sedangunipun 705 tahun lan dipunparentah dening sakathahipun 28 tiyang raja Dinasti Go dumugi ing pungkasan saged dipunkalahaken dening kerajaan Silla ingkang nyambut damel sesarengan kaliyan Dinasti Tang. Warisan Goguryeo menika dipunparingaken dhumateng kerajaan Balhae lan pungkasan dhumateng Goryeo. Keturunan Jumong samenika tasih kagungan marga "Go".
Kulawarga
- Garwa sepisan: Permaisuri Ye Soya
- Yuri (Raja Yuri),
- Garwa kaping kalih: So Seo-no
Pirsani ugi
Referensi
- ↑ (ing basa Koréa) 동명왕 신화(東明王神話) (주몽 신화)
- ↑ 十九年 夏四月 王子類利自扶餘與其母逃歸 王喜之 立爲太子, 《Samguksagi》 tentang Goguryeo, volume 13.
- ↑ 秋九月 王升遐 時年四十歲 葬龍山 號東明聖王, 《Samguksagi》 tentang Goguryeo, volume 13
Dongmyeong saking Goguryeo Tilar donya: 19 SM
| ||
| Gelar kabangsawanan | ||
|---|---|---|
| New creation | Raja Goguryeo 37 SM – 19 SM |
Kang sawisé Yuri |
| Kang sadurungé Ugeo saking Gojoseon |
Kang sawisé Yuri Onjo saking Baekje | |