'''Criping''' punika salah satunggaling [[panganan|tetedhan]] arupiwujud jajanan ingkang kadamel saking [[ketéla pohung]]. Caranipun ndamel criping, inggih punika ketéla pohung dipunoncèki rumiyin lajeng dipuniris tipis-tipis. Salajengipun irisan ketéla dipunkum ing campuran [[banyu|toya]] ingkang sampun dipunsukani bumbu. Campuran bumbu punika arupiwujud campuran saking [[uyah|sarem]] lan [[bawang]]. Kajawi punika ingkang badhé ngersakaken raos sanèsipun kados ta [[legi]] , utawi [[pedhes]] saged dipuncampur kaliyan [[lombok]] kaliyan gendhis. Gendhisipun saged [[gula Jawa|gendhis Jawi]] saha saged ugi dipuncampuri [[gula pasir]]. Sasampunipun lajeng dipungorèng nganggé lisah ingkang sampun dipunpanasaken rumiyin. Irisan ketéla dipungorèng boten dangu-dangu, manawi warninipun sampun bènten (radi soklat) punika saged dipunangkat lan dipuntirisaken.
