'''Anggang-anggang''' ya iku jinisé kéwan [[sranggagegremet]] kang uripé ana banyu.<ref name="internet 1">[http://www.anneahira.com/serangga-air.htm] Kaundhuh tanggal 14 Juli 2011</ref> Ing basa Inggrisé mau ''water strider'', saliyané iku uga ana kang ngarani ''jesus bug''.<ref name="internet 1"/> Anggang-anggang utawa iwak sewu iki bisa didadèkake pratandha alami yèn banyu iki ora kena limbah.<ref>[http://green.kompasiana.com/polusi/2011/06/14/ikan-dan-beras-bermineral-tinggi-dari-salatiga/] Kaundhuh tanggal 20 Juli 2011</ref>
Anggang-anggang arupa saklompok [[sranggagegremet]] [[pamangsa]] sing kabèh kalebu sajeroning [[familia|suku]] '''Gerridae'''. Anggotané, watara 340 jinis, akèh sing angèl dibédakaké. Sajeroning literatur ditepungi uga kanthi salah kaprah minangka "angga-angga banyu", sanajan sranggagegremet iki pancèn dudu [[angga-angga]]. Jeneng "anggang-anggang" dhéwé asalé saka obahé sing maju-mundur sambi ngambang.<ref>Wojowasito, S. 1977. ''Kamus Kawi-Basa Indonesia''.</ref>
SranggaGegremet iki gampang banget ditepungi amarga kabiyasaan uripé sing mesthi mlaku/mlumpat ing lumahing [[banyu]]. Obahé rikat, bisa nganti 1.5 [[metre per second|m/s]]. Akèh-akèhé urip ing banyon anteng, nanging ana limang jinis (saka marga'' Halobates'') sing dikawruhi urip ing lumahing samodra.<ref>[http://esa.confex.com/esa/2001/techprogram/paper_173.htm ESA Paper: Molecular genetics and distribution of the ocean-skater Halobates (Heteroptera: Gerridae)]</ref> Saka lumahing banyu, anggang-anggang ngincer mangsa (lumrahé sranggagegremet liya) sing ana ing cerak lumahing banyu.
Kéwan iki dadi modhèl sajeroning panlitèn [[biofisika]] ngenani kamampuan [[tekanan lumah]] sajeroning nyangga beban. Ana rong aspèk sing dadi kawigatèn: kamampuan ngambang ing lumahing banyu lan kamampuané obah maju kanthi rikat.
Larik 36:
Kamampuan ngambang asalé saka anané [[rambut]]-rambut cilik banget (microsetae) kasusun kanthi arah tinentu mawa lekukan-lekukan sajeroning ukuran nanometer ing pucuk [[sikil]]é lan dijangkepi karo lapisan [[malam]] (lilin), nanging èfèk hidrofobik luwih disebabaké déning struktur fisik sikil tinimbang lapisan malam sing ana.<ref>Gao X, Jiang L. 2004. Biophysics: water-repellent legs of water striders. Nature 432:36. doi=10.1038/432036a</ref> Dikawruhi uga, ana pojok kontak èfèktif sikil karo banyu gedhéné 167.6° ± 4.4°. Amarga rapeté rambut-rambut cilik sarta lekukan-lekukan sing ana, udara kacandhet ing struktur iku lan duwé fungsi minangka "bantalan" ing lumahing banyu.
Kamampuan obah kanthi rikat uga narik kawigatèn èlmuwan. Kanggo obah, anggang-anggang ngenet lumahing banyu mawa pasangan sikil tengahé tanpa nembus lumahing banyu, mbentuk cekungan ing lumahing banyu. Cekungan iki cukup jero kanggo nyurung awak sranggagegremet maju. Kajaba iku, sapérangan indhividu bisa migunakaké sewiwi sing sok-sok diduwèni sranggagegremet iki. Sajeroning kahanan urip kurang nguntungaké, anggang-anggang akèh-akèhé ora duwé sewiwi.<ref>[http://www.discoverlife.org/mp/20o?search=Gerridae Discoverlife]</ref>
