'''Eukariota''' (asalé saka basa [[Yunani]] "''eu''" singkang tegesé "becik", lan "''karyon''" singkang tegesé nunjuk ing [[nuklei]] sel) iku [[organisme]] kanthi [[sel (biologi)|sel]] komplèks, ing ngendi [[bahan genetika|bahan-bahan genetikan]]é disusun dadi nuklei singkang kaiket [[membran]]. Eukariota kalebu [[sato kewan|kéwan]], [[tetanduran]], lan [[jamur]]—sing—kang akèh-akèhé [[multiselular]]—sarta manéka golongan liyané singkang diklasifikasikaké kanthi kolèktif minangka [[protista]] (akèh ing antarané [[uniselular]]). Suwaliké, organisme-organisme liyané, kaya ta [[bakteri]], ora duwé nuklei lan struktur sel komplèks liyané; organisme-organisme kaya iku mau karan [[prokariota]].
== Struktur ==
Lumrahé, sel eukariota duwé ukuran singkang luwih gedhé tinimbang prokariota lan duwé pérangan-pérangan sub-[[Sel (biologi)|selular]] singkang karan [[organel]]. Béda karo prokariota, [[DNA]] eukariota disimpen ing kumpulan [[kromosom]] singkang kasimpen ing njero nuklei singkang kabungkus membran nuklei. Saliyané nglakoni [[sigar sel|panyigaran sel]] kanthi aseksual, akèh eukariota uga bisa nglakoni [[réprodhuksi sèksual]] liwat prosès [[fusi sel]], singkang ora tinemu ing prokariota.
== Réprodhuksi ==
Réproduksi eukariota dilakoni liwat [[sigar sel]], singkang lumrahé dumadi kanthi [[mitosis]], ya iku prosès sigaré inti sel singkang njalari sawijining sel anak nampa dhuplikat utawa salinan saben kromosom singkang diduwèni sel indhuk. Ing sakèhé eukariota ana uga réprodhuksi sèksual, ing antarané sel [[haploid]], ya iku sel singkang mung duwé siji kromosom saka saben pasang kromosom singkang diduwèni sel indhuk singkang nglibataké prosès fusi inti sel (singami) lan panyigaran kanthi [[meiosis]] singkang ngasilaké sel [[diploid]], ya iku sel singkang duwé pasangan kromosom singkang lengkap.
