Bebrayan: Béda antara owahan

'''Bebrayan''' utawa '''masarakat''' iku golongan [[wong]] kang mangun [[sistém]] semu katutup (utawa semu kabukak), ing ngendi sabagéan gedhé interaksi ya iku antarané individu-individu kang ana ing golongan mau. Luwih abstraké, sawijining bebrayan iku jaringan gegandhéngan-gegandhéngan antar [[entitas]]-entitas. Masarakat iku [[komunitas]] singkang interdhépèndhen (silih genti gumantung siji lan sijiné). Lumrahé, istilah bebrayan minangka ngacu saklompok wong singkang urip bebarengan ing sawijining komunitas singkang temata.

Miturut Syaikh Taqyuddin An-Nabhani, saklompok [[manungsa]] bisa ditelakaké minangka sawijining bebrayan yèn duwé pamikiran, pangrasa, sarta sistém/angger-angger singkang padha. Kanthi pepadhan-pepadhan mau, manungsa banjur silih genti interaksi karo pepadhané kanthi dhasar kamaslahatan.

Masarakat asring [[Organisasi|diorganisasiaké]] kanthi dhasar cara mliginé ing panggawéané ([[basa Indonésia]]: mata pencaharian). Pakar [[èlmu]] sosial ngidhèntifikasi ana: bebrayan [[pamburu]], bebrayan pastoral nomadis, bebrayan [[nenandur]], lan bebrayan agrikultural inténsif, kang uga karan bebrayan [[paradhaban]]. Sapérangan [[nimpuna]] nganggep bebrayan [[indhustri]] lan pasca-indhustri minangka golongan bebrayan singkang kapisah saka bebrayan agrikultural [[tradhisional]].

Tembung ''society'' asal saka [[basa latin]], societas, kang ateges gegandhéngan kekancan karo liyané. Societas didhunaké saka tembung socius kang ateges [[kanca]], saéngga teges society gegandhéngan kenceng karo tembung sosial. Sacara implisit, tembung society ngandhut makna yèn saben anggotané duwé kawigatèn lan kapentingan singkang padha kanggo nggayuh tujuan bebarengan.