Ula: Béda antara owahan

'''Ula''' utawa '''sawer''' ing [[basa krama]], kalebu bangsaning ''kéwan melata'' utawa ''reptil''. Kajaba iku, uga kalebu cacahing ordho ''squamata'' lan sapaduluran karo [[Kadal]]. Ula iki kagolong [[kéwan]] singkang adhem [[getih]]é dadi kudu akèh mépé ing cahyaning [[srengéngé]] kanggo manaské awak, ora ana cèkèré lan awaké dawa banget.

Kabèh ula mangan daging utawa diarani '''karnivora''', milai saka kéwan cilik-cilik kaya kadhal, [[tikus]], [[endhog]], nganti kéwan singkang gedhé kaya [[kidang]], [[babi]] lan [[baya]]. Ula ana singkang matèni pakané nganggo upas, dadi sadurungé ngeleg kurbané, dhèwèké nyakot dhisik nganggo siyungé singkang duwé upas, banjur yèn kéwan kurbané mati ula bisa mangan kurbané ing cara singkang adhem ayem. Kajaba iku ana ula singkang matèni kurbané nganggo uletané singkang reket, lumrahé dhèwèké ngguleti kurbané banjur dicengkrem nganti kentèkan ambegan lan sawisé mati, banjur dilebokaké langsung ing awaké.

Ula ora bisa nyacah panganané, nanging dileg langsung lan sabubaré mangan, ula bisa pasa ora mangan apa-apa, milai saka setengah wulan, nganti bisa wulan-wulanan. Ula uga nduwé cangkem singkang amba, ula bisa mangap nganti [[180]] drajat, dadi bisa mangan kurban singkang luwih gedhé ketimbang awaké. Kajaba iku, kanggo ngawasi saindhengé, ula nganggo ilaté kanggo ngrasakaké kahanan utawa kurban, lan infra [[abang]] kanggo ndeleng ana [[manungsa]], kéwan utawa kahanan singkang mbebayani, tur ula iku tuna rungu, ora bisa ngrungokaké swara-swara.

Ula singkang paling dawa ing [[donya]], ya iku singkang jinisé ''Anakonda''. Uripé ana ing tlatah Amérika lan dawané bisa nganti 11 mèter.