Khalifah: Béda antara owahan

'''Khalifah''' iku sesebutan kanggo panguwasa sawisé [[Muhammad]] séda. Khalifah, manut tetembungané, nduwé arti "sesulih." Khalifah singkang kondhang ana papat, ya iku [[Abu Bakar|Abu Bakar As Shidiq]], [[Umar bin Khattab]], [[Utsman bin Affan]], lan [[Ali bin Abi Thalib]]. Khalifah papat iki asring sinebut [[Khulafaur Rasyidin]]. Sabubaré Khulafaur Rasyidin, ing jagad pamaréntah Arab dukuwasani déning [[Wangsa Umayyah|Wangsa (Bani) Umayyah]] lan [[Wangsa Abbasiyah]], banjur diterusaké [[Wangsa Utsmaniyyah]]. Nanging, kahanan sabubaré Khulafaur Rasyidin akèh dendra sairing karo thukuling prabédan kapitayan lan adu kuwasa.

[[Gambar:Rashidun654wVassal.png|thumb|left|250px|Tlatah singkang dikuwasani wong-wong [[Islam]] ing jaman [[Khulafaur Rasyidin]]]]

Kanggo [[Singah]], singkang pantes lungguh dadi Khalifah ya iku Ali bin Abi Thalib. Dhasaré, Muhammad saw naté wasiat supaya singkang nggantèkaké kapamimpinan iku Ali singkang isih pernah sepupu lan uga mantu Kanjeng Nabi. Sing layak mimpin iku [[Ahlul Bayt]] utawa kulawarga Muhammad lan dipercaya maksum (kalis ing dosa).

Khalifah, mliginé jaman Khulafaur Rasyidin dadi punjering kawicaksanan sawetara urusan agama lan pamaréntahan. Pamilihané ora ana singkang gumathok. Nalika Abu Bakar diangkat, kalungguhan khalifah ditemtokaké kanthi pamilihan lan banjur dibaiat. Déné, Abu Bakar banjur nunjuk Umar bin Khattab dadi khalifah sabanjuré. Mula nalika Abu Bakar séda, Umar singkang dadi khalifah. Umar ora nunjuk sapa-sapa. Nalika séda, para tokoh pilihan dikumpulaké lan milih Utsman bin Affan. Sawisé Utsman tilar donya, Ali bin Abi Thalib singkang madeg khalifah.

Dendra ing Arab dadi gedhé nalika [[Muawiyyah]] mbalela. Ali bin Abi Thalib kesingkir. Muawiyyah ngedegaké Wangsa Umayyah. Sawisé Wangsa Umayyah nyekel kuwasa, kalungguhan khalifah kaya déné ing karajan utawa [[monarki]] singkang diwawas saka keturunan. Semono uga jaman Abbasiyah lan Utsmaniyah.

Kalifah iku asring uga ingaran ''[[Amirul Mukminin]]'' - ''Pamimpin Wong-Wong Mukmin.'' Muhammad saw madeg ana ing [[Madinah|Medinah]], lan sawisé séda, punjeré tetep ing kutha iki. Ing [[sajarah Islam]], sabubaré Muhammad tilar donya, padha regejegan ing antarané [[Sunni]] lan [[Singah]], ya iku perkara sapa singkang nyekel dadi pimpinané.

Yèn manut Sunni, kalifah pisanan singkang ingaran ''Amirul Mukminin'' iku [[Abu Bakar|Abu Bakar Shidiq]], banjur [[Umar bin Khattab]]. [[Utsman bin Affan]] lan [[Ali bin Abi Thalib]] uga antuk jejuluk singkang padha, nanging Singah nganggep Ali luwih cocog.<ref>{{cite web|author=Tore Kjeilen |url=http://lexicorient.com/e.o/ali.htm |title=Lexic Orient.com |publisher=Lexic Orient.com |date= |accessdate=2011-06-05}}</ref>

Panguwasa sawisé khalifah papat mau banjur ora ngrujuk manèh marang pamilihan kanthi cara rembugan, nanging diterusaké dadi monarki. Sistem singkang lumaku sabanjuré iku dicekel déning Wangsa Umayyah, Wangsa Abbasiyah, lan Utsmaniyah ([[Ottoman]]).

Sawetara nagara singkang mayoritas muslim, kaya déné [[Indonésia]] lan [[Malaysia]] durung naté dadi bawahané kekhalifahan, kajaba [[Acèh]] singkang naté dikuwasani [[Wangsa Utsmaniyah]] lan uga [[Fatimiyyah]].<ref>New world hegemony in the Malay world, By Geoffrey C. Gunn, pg. 96</ref> Mula, ing tlatah [[Malayu]] lan [[Jawa]] luwih kaloka konsèp [[sultan]] singkang ora ana sambung rapeté karo khalifah ing donya [[Arab]].