Katoné kitab nabi '''Mikha''', uga ditulis déning nabi singkang asmané padha. Mikha olèhé sugeng sajaman karo nabi [[Yesaya]] lan asalé saka sawijining désa ing [[Yehuda]], ing karaton kidul. Dhèwèké yakin tenan yèn Yehuda bakal ngadhěpi mala pataka kaya singkang diumumaké déning [[Amos]] bab karaton lor. Mikha uga ngandhani yèn Allah mesthi ya bakal ndendha bangsa Yehuda amarga kejem banget lan ora adil marang wong liya, Nanging ing kotbahing Mikha ya katon ana tandha-tandha singkang luwih cetha bab pangarepan ing mangsa ngarep.
Pérangan-pérangan singkang menarik digatèaké sajeroning buku iki ya iku: gambaran adem tentrem ing sawewengkoning [[donya|bumi]] ing ngisor pimpinaning Allah (Mikha 4:1-4); banjur ana ramalan bab sawijining Ratu Agung singkang bakal muncul saka trahing [[Dawud]] lan bakal ngasta pangayeman ing bangsa Yehuda (5:2-4); lan, ing sawijining padha (6:8), ana ringkesan saka apa singkang bakal diomongaké déning para nabi-nabi Israèl, ya iku: "Sing dituntut Allah saka awake dhéwé iku supaya tumindhak adil, tansah ngamalaké sih-tresna, lan andhap asor urip manunggal karo Gusti."
