'''Australasia''' iku sebutan tumrap kawasan ing [[Oséania]] singkang nyakup [[Australia]], [[Niu Selan]] lan [[pulo|pulo-pulo]] ing saubengé ing [[Samudra Pasifik]]. Istilah iki diciptakaké déning [[Charles de Brosses]] sajeroning bukuné ''Histoire des navigations aux terres australes'' ([[1756]]) lan asal saka [[basa Latin]] singkang tegesé "kidul [[Asia]]". De Brosses mbédakaké Australasia saka [[Polinésia]] (ing sisih wétané), [[Mikronésia]] ing wétan-lor, lan ''Magellanika'' ing kidul-wétan Samudra Pasifik.
Dideleng saka sisih géografi fisik, [[bawana]] [[Australia]], [[Tasmania]], [[Niu Selan]], lan [[Mèlanésia]] kalebu sajeroning Australasia, sauntara iku miturut géografi pulitik, istilah "Australasia" kadhangkala dipigunakaké yumrap Australia lan Niu Selan waé, umpamané ing jeneng-jeneng organisasi. Jeneng "Australasia" naté dipigunakaké wektu Australia lan Niu Selan ngirim tim gabungan menyang [[Olimpiade 1908]] lan [[Olimpiade 1912]].
Saka sisih [[ékologi]], "Australasia" iku kawasan singkang duwé sajarah évolusi singkang seragam lan warna-warna [[flora]] lan [[fauna]] singkang mung tinemu ing tlatah iki. Ing pangertèn iki, Australasia ya iku [[Australia]], [[Pulo Irian]] lan pulo-pulo ing saubengé, kalebu [[Pulau Lombok]] lan [[Sulawesi]] sarta pulo-pulo ing [[Indonésia]] singkang dumunung ing sisih wétané kaloro pulo mau. Niu Selan ora kalebu yèn migunakaké dhéfinisi iki. Garis bayangan singkang misahaké Australasia karo [[Asia]] ya iku [[Garis Wallace]] – [[Kalimantan]] lan [[Pulo Bali|Bali]] dumunung ing sisih kulon, ya iku ing Asia.
