Kendhang: Béda antara owahan

'''Kendhang''' iku piranti [[gamelan Jawa]] singkang ditabuh nganggo kombinasi antara [[tlapakan]] karo [[driji]], dadi ora nganggo [[tabuh]]. Ing musik modhèren, piranti iki digolongaké piranti [[perkusi]]. Kendhang disèlèhaké ing wadhah panyangga saka kayu singkang wujudé mèmper huruf '''Y'''. Kendhang ing musik gamelan fungsiné kanggo mimpin lan ngarahaké musik.<ref name="internet1">[http://www.joglosemar.co.id/gamelan.html joglosemar.co.id](dipunundhuh tanggal 30 Mèi 2011)</ref> Kendhang duwé jinis lan ukuran kang warna-warna.<ref name="internet1"/> Ukurané '''kendhang''' antarané 20 [[cm]] nganti [[45]] [[cm]].<ref name="internet1"/> Kendhang dhapuré kaya drum lan dimainaké kanthi cara ditabuh.<ref name="internet1"/>

Wujudé mèh [[silindher]], [[simetris]], ing salah siji sisih rada gedhé tinimbang sisih lawané. Pérangan singkang luwih gedhé lumrahé disèlèhaké ing tengening panabuh. Kendhang iki ukurané luwih cilik tinimbang [[bedhug]].

Ana 4 jinis kendhang singkang umum dienggo ing gamelan ya iku: (urutan saka singkang gedhé dhéwé ukurané)

Akèh jinis swara singkang bisa diasilaké saka piranti kendhang iki ya iku antarané:

* '''Dlong''': swara iki metu saka tengah pérangan kendhang singkang gedhé (kejaba [[kendhang ketipung]]), ditabuh nganggo kabèh driji lan sapérangan tlapakan singkang langsung diculaké. Swara iki nduwé nadha paling cendhèk.

* '''Dhah''': swara iki metu saka sisih utawa pinggir pérangan kendhang singkang gedhé (kejaba kendhang ketipung), ditabuh nganggo kabèh driji lan sapérangan tlapakan tangan singkang langsung diculaké.

* '''Thung''': swara iki metu saka tengah pérangan kendhang singkang gedhé, ditabuh nganggo driji singkang langsung diculaké. Yèn ing kendhang ketipung, swara iki metu saka pérangan kendhang singkang gedhé ning ditabuh nganggo jempol utawa driji panuding singkang langsung diculaké.

* '''Ket''': swara iki metu saka pérangan tengah kendhang singkang gedhé, ditabuh nganggo pucuk driji mligi pucuk driji panuding, driji panunggul karo driji manis lan ora langsung diculaké (tetep nempèl) utawa nutup.

* '''Tong''': swara iki metu saka sisih utawa pinggir pérangan kendhang singkang cilik, ditabuh nganggo pucuk driji panunggul lan driji manis lan langsung diculaké.

* '''Tak''': swara iki metu saka pérangan kendhang singkang cilik, ditabuh nganggo kabèh driji lan sapérangan tlapakan tangan lan ora diculaké utawa tetep nempèl, déné tlapakan tangan tengen nempèl ing pérangan kendhang singkang gedhé. Swara iki nduwé nadha paling dhuwur.

* '''Deng''': swara iki metu saka pérangan kendhang singkang gedhé, ditabuh nganggo kabèh driji ana ing sisih pinggir kendhang. Sumber: Hari Kendhang Kabupatèn Madiun.

Notasi swara kendhang singkang umum dienggo ya iku: