Jenéwa: Béda antara owahan

Kutha Jenéwa iku ana ing nagara [[Swiss]], luwih tepaté ing [[Kanton Jenéwa]]. Kanton Jenéwa diwatesi nagara [[Prancis]] ing sisih kulon lan sisih kidul. Ing sisih lor lan lor-wétan, Kanton Jenéwa diwatesi déning [[Kanton Vaud]]. Ing tengah-tengahé ana tlaga, jenengé [[tlaga]] [[Leman]], singkang uga dadi duwèké nagara [[Prancis]].

Sanadyan kutha Jenéwa kawentar ing ngendi-endi, sajatiné kutha iki kutha cilik, amarga cacahing wong singkang manggon ana ing kutha iki ora punjul wong 180.000. Saka cacahé iku, kurang luwih 30% wongé saka nagara liya singkang manggon lan nyambut gawé ana ing Jenéwa. Cacahé wong ana ing Kanton Jenéwa uga sithik, ora punjul wong 430.000.

* '''Kutha kanggo nyimpen [[dhuwit]]'''. Ana akèh bank-bank umum lan bank pribadi ing kutha iki. [[Bank Umum]] iku tegesé bank singkang nglayani wong singkang nyimpen lan utang [[dhuwit]]. Bank pribadi iki tegesé bank singkang ngurusi dhuwit pribadi, mliginé kanggo urusan [[invèstasi]]. Akèh wong sugih singkang duwé lan nyimpen dhuwit ing kutha iki, amarga bank-bank ing kéné duwé daya kanggo nyimpen data pribadi pelanggané.

* '''Kutha jam tangan'''. [[Jam tangan]] kaya Swatch, Rado, Pathek Philippe, lan mèrek-mèrek liyané padha duwé kantor pusat ing Jenéwa. Jaman ndhisik, pabrik-pabrik jam tangan iku ana ing Jenéwa, nanging saiki ana akèh singkang pindhah saka kutha iki kanggo duwé panggonan singkang luwih jembar lan uga kanggo nyuda reragatan-reragatan liyané.

* '''Kutha banyu muncrat'''. Ing pinggir tlaga Leman, ana banyu muncrat, singkang ing [[basa Prancis]] diarani, "Jet d'Eau". Dhuwuré muncratan banyuné bisa tekan 130 mèter. Banyu puncratan iku dijupuk saka banyu [[tlaga]] singkang diréwangi ngganggo mesin. [[Banyu]] iku muncrat mung ing [[mangsa panas]], utawa pas ana [[srengéngé]]. Mangsa bediding, mesin singkang dienggo muncrataké banyu ora diuripaké mergané, puncratan banyuné bisa adhem banget.

Nagara Swiss duwé patang (4) basa singkang dienggo, ya iku [[basa Jerman]] (60-70 persèn), [[basa Prancis]] (18-20 persèn), [[basa Italia]] (8-10 persèn) lan [[basa Romansh]], kurang luwih 1-2 persèn. Kanton-kanton singkang nganggo basa Prancis dijenengi [[kanton Romand]] (aja klèru karo Romash). Jenéwa iku kutha gedhé dhéwé ing Swiss Romand, lan basa utama singkang dienggo ya iku basa Prancis. Nanging akèh wong Jenéwa singkang bisa ngomong [[basa Inggris]], mergané akèh wong manca nagara singkang ora bisa basa Prancis.

Agama Kristen Protèstan aliran [[Kalvin]] diwiwiti ing kutha iki. Jenéwa uga diarani kutha krajané Protèstan Kalvinis. [[Gréja]] utama ing Jenéwa ya iku [[Katedral Santo Petrus]], ndhisiké gréja Katulik, singkang saiki dadi gréja [[Protèstan]]. Sanadyan, tradhisi protèstan isih kuwat banget, naging gunggung jiwa singkang duwé paugeman Katulik luwih akèh tinimbang Protèstan, amarga ing wiwitan abad 20 akèh désa-désa Katulik Prancis singkang cedhak karo Jenéwa, mèlu dilebokaké ing kanton Jenéwa. Uga amarga akèh wong-wong [[Portugal]], [[Spanyol]] lan [[Italia]] singkang pindhah saka nagara-nagarané lan netep ing Jenéwa. Saliyané [[Katulik]] lan [[Protèstan]], uga gampang ditemoni wong-wong singkang paugemané [[Islam]], [[Hindhu]] lan [[Buda]]. Akèh uga wong-wong enom singkang ora perduli manèh karo agama, lan ora duwé agama.

Obyèk pariwisata utama Jenéwa iku [[Jet d'Eau]] (jet-banyu utawa [[banyu muncrat]]) singkang dhuwuré 140 [[mèter]] ing [[tlaga Jenéwa]] lan bisa ditonton saka saindhenging kutha. Panggonan wisata liyané antarané: ''Flower Clock'', ''Art and History Musiyum '' (Musiyum Seni lan Sajarah), ''International Red Cross and Red Crescent Musiyum '' (Musiyum Palang Merah lan Bulan Sabit Merah Internasional), sarta [[Palais des Nations]] singkang dadi markas [[PBB]] ing Éropah.