'''Tradhisi''' utawa '''tradisi''' ([[basa Latin]] ''traditio''; 'nerusaké') iku adat run-tumurun.<ref>''Kamus Basa Jawa''. Kanisius 2001</ref> Tradhisi iku dadi singkang arti singkang prasaja dhéwé adat utawa kabiasan tartamtu singkang wis dilakokaké wiwit suwé saka jaman mbiyèn lan wis dadi péranganing kauripaning sawijining golongan masarakat, racaké saka sawijining nagara, kabudayan, wektu utawa agama singkang padha. Perkara singkang paling dhasar saka sawijining tradhisi iku anané informasi singkang diterusaké saka sawijining générasi marang générasi liyané, apa iku katulis apa ora katulis (kanthi lésan). Amerga tanpa anané perkara iki, sawijining tradhisi bisa cures.
== Étimologi lan définisi ==
Tembung tradhisi ing basa Jawa dijupuk saka [[basa Walanda]] ''traditie'' singkang gilirané njupuk saka [[basa Prancis]] ''tradition'' lan asliné saka [[basa Latin]] ''traditio''. ''Traditio'' iku wangun tembung aran saka tembung karya ''traderere'' utawa ''tradere'' lan tegesé "nyerahaké", "mènèhaké" utawa "mènèhaké kanggo disinggahaké".
