'''Umbul''' iku sajinis dolanan tradhisional kanggo bocah cilik (lumrahé bocah lanang) singkang migunakaké [[gambar]]. Pirantiné arupa "gambar", yaiu gambar-gambar singkang dikethok-kethok pesagi, racaké gambar wayang. Gambar singkang didol lumrahé isih lembaran amba isi kurang luwih 50 gambar. Banjur lembaran gedhé mau di guntingi dadi gambar cilik-cilik. Saben gambar ana nomeré, ya iku 1 nganti 50 singkang dunungé ana ing pojok gambar.
==Carané==
Sing jenengé "umbul" iku saben bocah setor sak lembar gambar, singkang diarani gacu utawa gacuk. Sawisé diklumpukaké déning salah siji (bandar) gambar-gambar banjur diuncalaké mendhuwur bebarengan. Bareng wis tiba ing [[lemah]] endi gambar gacu singkang tibané mlumah ( gambaré madhep mendhuwur), iku singkang menang. Kabèh gambar singkang tibané mengkurep bakal dadi duwèké singkang menang. Yèn gambar singkang mlumah punjul siji, umbul diterusaké manèh mligi kanggo gambar-gambar singkang mlumah waé ( puteran kaloro) nganti mung ana siji gambar singkang mlumah lan ya iku juru main singkang dianggep menang. Nalika gambar-gambar diumbulaké mau para juru main banjur padha mbengokaké gacuné dhéwé-dhéwé. Sing gacuné gambar [[Janaka]] racaké mbengok karo nudingi gambar singkang tiba ing lemah: " Janaka..janaka..dhéwééé..!!
Jenengé waé dolanan, mesthi waé ana juru main singkang jujur apa anané lan ana uga bocah singkang julig ya iku kanthi ngrékadaya gacuné supaya bisa tiba mlumah. Carané ya iku gambar gacuné didengkèk-dengkèk dhisik sadurungé supaya rada mlengkung. Yèn konangan, bandar sadurungé ngumbulaké banjur meneng-meneng ndengkèk gambar singkang rada mlengkung mau supaya bali normal. Kalamangsane yèn ana singkang ora trima banjur dadi tukar utawa [[gelut]]an.
