Kasultanan Pajang: Béda antara owahan

'''Kasultanan Pajang''' iku salah siji [[Kasultanan]] ing tlatah [[Jawa]] lan dibangun déning [[Jaka Tingkir]]. Sedurunge, laladan [[Pajang]] iki dadi pérangan [[Kasultanan Demak]] ning wektu [[Demak]] dipimpin [[Arya Penangsang]], Jaka Tingkir singkang dibantu [[Adipati]] liyané kasil niwasaké Arya Penangsang. Jaka Tingkir banjur mindahaké pusat kakuwasan menyang Pajang. Miturut kabiasaan jaman mbiyèn, yèn pusat kakuwasan utawa [[kutharaja]] dipindah iku tegesé nggawé [[karajan]] anyar ya iku Kasultanan Pajang. Laladan Demak dadi pérangan Kasultanan Pajang (kadipatèn) lan dipasrahaké marang [[Arya Pangiri]] putra [[Sunan Prawata]].

Jaka Tingkir dadi [[Sultan]] Pajang ing taun 1568 lan nyandhang gelar [[Sultan Hadiwijaya]], kadipatèn-kadipatèn liyané singkang sadurungé nggabung karo Demak dadi pérangan Kasultanan Pajang.

Ing taun 1558, Sultan Hadiwijaya masrahaké laladan Mentaok (cedhak [[Kutha Gedhé]] - [[Yogyakarta]]) minangka bebungah kanggo Ki Ageng Pamanahan singkang wis mbiyantu nyingkiraké Arya Penangsang lan mbiyantu yasa Pajang. Laladan iki dadi cikal bakal [[Kasultanan Mataram]].

Ing taun 1582 Sultan Hadiwijaya diganti déning putrané ya iku [[Pangeran Benawa]] ning disingkiraké déning keturunan Kasultanan Demak ya iku Arya Pangiri, Pangeran Benawa didadèkaké Adipati ing laladan Jipang. Ing taun 1587, [[Sutawijaya]] (putra Ki Ageng Pemanahan) singkang nguasani laladan Mentaok misah saka Pajang lan yasa Kasultanan Mataram. Koalisi Sutawijaya karo Pangeran Benawa pungkasané kasil ngalahaké Arya Pangiri, Sutawijaya banjur mindahaké pusat kakuwasan ing Mataram lan dadi Sultan pisanan ing Mataram.