Lemud: Béda antara owahan

'''Lemud''' utawa '''nyamuk''' iku akèh arané ing tlatah Jawa. Ana singkang ngarani '''jingklong''', lan ana singkang ngarani '''lamuk'''. Nyamuk kalebu cacahing ''[[gegremet]]'', utawa ''Insecta''.

Jinis-jinising lemud singkang wis dikenal [[manungsa]] ya iku :

Jinising lemud sajatiné ana 2700, saka 35 genusé, lan lemud wis ana ing donya kira-kira 170 yuta taun. Ing Indonésia, lan tlatah Jawa, singkang diweruhi ana 3 rupa, ya iku [[Anopheles]] utawa ''Lemud Malaria'', [[Culex]] utawa ''Lemud biyasa'', lan [[Aedes]] utawa ''lemud demam berdarah''.

Ciri-ciriné lemud ya iku : nduwé suwiwi singkang arupa [[jaring]], [[awaké cilik]] menik-menik, lan dawané akèh-akèhé 15 milimeter utawa luwih. Aboté lemud iku kira-kira 2 nganti 2,5 miligram lan bisa mabur 1,5 nganti 2,5 km/ jam.

Sing nyesep getih iku mung lemud babon.Yèn lemud lanang ora nyesep [[getih]], nanging nyesep sari [[tetanduran]] utawa [[woh|woh-wohan]]. Lemud babon duwé moncong dawa singkang diarani ''proboscis'' kanggo norèh kulit kurbané lan nyesep getihé. Isa kéwan-kéwan [[mamalia]], utawa kéwan melata, lan [[manuk]] uga [[manungsa]]. Lemud babon nyesep getih kanggo kalangsunganing urip endhogé. Yèn ing pakanan racaké, kaya sari woh utawa tetanduran ora ana [[protéin]] singkang dibutuhaké kanggo endhog, dadi lemud babon kudu nyesep getih kanggo nerusaké silsilahé.

Akèh-akèhé lemud babon padha nyesep getih, nanging ana sajinis singkang ndilalah ora nyesep getih babar pisan. Ya iku lemud jinis [[Toxorynchites]].

Lemud racaké urip mung rong minggu utawa kurang yèn hawané cocog saka anakan nganti dadi lemud. Lumrahé lemud ndèlèh endhogé ing panggonan-panggonan singkang banyuné ora ngalir, kaya ta got, bak adus, sendhang, alas bako, utawa panggonan banyu liyané. Lemud aedes racaké malah ndokok endhogé ana ing banyu singkang resik tur bening nanging ora ngalir.

Obat nyamuk ya ana macemé, singkang diobong, disemprotaké utawa nganggo listrik. Lan bahan aktif singkang digawé kanggo ngracik obat lemud iku kaya ta : DEET, lenga ekaliptus, lenga piretrum, sitronela lan sapanunggalané.